ಕೋಲಾರ, ಆಗಸ್ಟ್ 27 :    ಕೋಲಾರದ ಕೆ.ಎನ್.ಟಿ.ಬಿ ಸ್ಯಾನಿಟೋರಿಯಂ ಆವರಣದಲ್ಲಿ ಇಂದು ನೂತನವಾಗಿ ಪ್ರಾರಂಭಿಸಲಾಗಿರುವ ಡಿಜಿಟಲ್ ನರ್ವ್ ಸೆಂಟರ್‍ಗೆ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವರು ಹಾಗೂ ಜಿಲ್ಲಾ ಉಸ್ತುವಾರಿ ಸಚಿವರಾದ ಕೆ.ಆರ್. ರಮೇಶ್ ಕುಮಾರ್ ಅವರು ಚಾಲನೆ ನೀಡಿದರು.       
    ಡಿಜಿಟಲ್ ನರ್ವ್ ಸೆಂಟರ್ ಉತ್ತಮ ತಂತ್ರಜ್ಞಾನಗಳನ್ನು ಒಳಗೊಂಡಿತ್ತು. ಸಾರ್ವಜನಿಕರ ಆರೋಗ್ಯ ಸೇವೆಗೆ ಸಿದ್ದವಾಗಿ ಸಿಬ್ಬಂದಿ ಇತ್ತು. ದೂರವಾಣ , ಮೆಸೆಜ್, ಇ-ಮೆಲ್ ಗಳ ಮೂಲಕ ಸಮಸ್ಯೆಗಳನ್ನು ತಿಳಿಸಿದಲ್ಲಿ ಅದಕ್ಕೆ ಸೂಕ್ತ ಪರಿಹಾರ ನೀಡಲು ವೈದ್ಯರು ಸಿದ್ದರಿದ್ದರು. 
    ಸಚಿವರು, ಡಿಜಿಟಲ್ ನರ್ವ್ ಸೆಂಟರನ್ನು ವೀಕ್ಷಿಸಿ, ನಂತರ ಅಲ್ಲಿನ ವೈದ್ಯರು ಆರೋಗ್ಯ ಸಮಸ್ಯೆ ಇರುವ ವ್ಯಕ್ತಿಗೆ ಅವಶ್ಯಕ ಚಿಕಿತ್ಸೆ ನೀಡುವ ಕುರಿತು ಬೇರೊಬ್ಬ ವೈದ್ಯರಿಗೆ ವೀಡಿಯೋ ಕರೆ ಮೂಲಕ ಮಾಹಿತಿ ನೀಡಿದರು. ಅಷ್ಟೇ ಅಲ್ಲದೆ ಅದರಲ್ಲಿ ಇ.ಸಿ.ಜಿ. ಹಾಗೂ ಸ್ಕಾನ್ ದಾಖಲೆಗಳನ್ನು ಅಲ್ಲಿಂದ ಇಲ್ಲಿಗೆ ಅಪ್‍ಲೋಡ್ ವ್ಯವಸ್ಥೆ ಇರುವ ಬಗ್ಗೆಯೂ ಸಚಿವರಿಗೆ ತೋರಿಸಿಕೊಟ್ಟರು. 
    ರೋಗಿಗಳ ಅವಶ್ಯಕ ಮಾಹಿತಿಗಳನ್ನು ಪಡೆದುಕೊಳ್ಳಲು ಸಹಾಯವಾಣ  ತೆರೆಯಲಾಗಿದೆ. ಅನಾರೋಗ್ಯದ ಸಮಸ್ಯೆಗೆ ಒಳಗಾದವರು 800-425-4325 ಈ ಸಂಖ್ಯೆಗೆ ಕರೆ ಮಾಡಿ ತಮ್ಮ ಸಮಸ್ಯೆಗಳಿಗೆ ಸೂಕ್ತ ಮಾಹಿತಿ ಪಡೆದುಕೊಳ್ಳಬಹುದು. 
    ಇದಕ್ಕೂ ಮುನ್ನ ಕಿವಿ ಕೇಳದ ಮಕ್ಕಳಿಗೆ ಕೇಳುವ ಉಪಕರಣಗಳನ್ನು ಅಳವಡಿಸಲಾಯಿತು. ಸಚಿವರು ಇಲ್ಲಿಗೂ ಭೇಟಿ ನೀಡಿ ವೀಕ್ಷಿಸಿದರಲ್ಲದೆ ಮಕ್ಕಳ ಯೋಗಕ್ಷೇಮ ವಿಚಾರಿಸಿದರು. 
    ಸುಮಾರು 40 ಕ್ಕೂ ಹೆಚ್ಚು ಮಂದಿ ಮಕ್ಕಳಿಗೆ ಕೇಳುವ ಉಪಕರಣವನ್ನು ಅಳಡಿಸಲಾಯಿತು. ಮಿಷನ್ ಅಳವಡಿಸಿಕೊಂಡ ಮಕ್ಕಳು ವೈದ್ಯರ ಮಾತುಗಳನ್ನು ಆಲಿಸಿದರು. ಉಪಕರಣ ಅಳವಡಿಸಿದ ಬಳಿಕೆ ಇತರರ ಮಾತುಗಳು ಕೇಳುವ ಕುರಿತು ಮಾಹಿತಿ ನೀಡಿದರು.