ಕೋಲಾರ, ಏಪ್ರಿಲ್ 22:ಉದ್ಯೋಗ ಮೇಳದ ಮೊದಲ ದಿನ 320 ಮಂದಿಗೆ ಸ್ಥಳದಲ್ಲೇ ಆದೇಶ ಪತ್ರವನ್ನು ಜಿಲ್ಲಾಧಿಕಾರಿ ಡಾ.ಕೆ.ವಿ.ತ್ರಿಲೋಕ್ ಚಂದ್ರ ಅವರು ವಿತರಿಸಿದರು. 
    ಕೋಲಾರ ಬೃಹತ್ ಉದ್ಯೋಗ ಮೇಳದಲ್ಲಿ ಮೊದಲ ದಿನ ಸುಮಾರು 10 ಸಾವಿರಕ್ಕೂ ಹೆಚ್ಚು ಮಂದಿ ಉದ್ಯೋಗಾಕಾಂಕ್ಷಿಗಳು ಮತ್ತು  ಸುಮಾರು 130 ಕ್ಕೂ ಹೆಚ್ಚು ಕಂಪನಿಗಳು ಭಾಗವಹಿಸಿದ್ದವು. 
    ಈ ಪೈಕಿ ವಿವಿಧ ಕಂಪನಿಗಳು ಸುಮಾರು 320 ಕ್ಕೂ ಹೆಚ್ಚು ಮಂದಿಗೆ ಸ್ಥಳದಲ್ಲಿಯೇ ಉದ್ಯೋಗವನ್ನು ಖಾತ್ರಿ ಪಡಿಸಿ ಆದೇಶ ಪತ್ರವನ್ನು ನೀಡಿದವು. ಅದರಂತೆ ಸುಮಾರು 3,570 ಮಂದಿಯನ್ನು ಉದ್ಯೋಗಕ್ಕೆ ಆಯ್ಕೆ ಮಾಡಿಕೊಳ್ಳಲಾಯಿತು. ಉದ್ಯೋಗ ಮೇಳವು ಸುವ್ಯವಸ್ಥಿತವಾಗಿ ನಡೆಯಿತು. 

    ಬಿಗಿ ಪೊಲೀಸ್ ಬಂದೋಬಸ್ತ್ ನಡುವೆ ಯಾವುದೇ ಅಡ್ಡಿ ಅಡೆತಡೆಗಳಿಲ್ಲದೆ ಕೋಲಾರ ಬೃಹತ್ ಉದ್ಯೋಗ ಮೇಳ ನಡೆಯಿತು. ಜಿಲ್ಲಾಧಿಕಾರಿಗಳು, ಜಿಲ್ಲಾಡಳಿತ ಹೆಚ್ಚಿನ ಕಾಳಜಿ ವಹಿಸಿ ಉದ್ಯೋಗ ಮೇಳವನ್ನು ನಡೆಸಿತು. ಸಂಜೆ ಕನ್ನಡ ಮತ್ತು ಸಂಸ್ಕøತಿ ಇಲಾಖೆಯ ಪ್ರಾಯೋಜನದಲ್ಲಿ ಸಾಂಸ್ಕøತಿಕ ಕಾರ್ಯಕ್ರಮಗಳು ನೋಡಗರ ಮನಸೂರೆಗೊಳಿಸಿದವು.