ಕಾರವಾರ: ಉತ್ತರ ಕನ್ನಡ ಜಿಲ್ಲೆಯಲ್ಲಿ ರೂಡಿಗತವಾಗಿ ಸಮಾಜ ಘಾತುಕ ಅಪರಾಧಗಳನ್ನು ಮಾಡುತ್ತಿದ್ದ 3 ಜನರ ವಿರುದ್ಧ ಜಿಲ್ಲಾಧಿಕಾರಿಗಳು ಉತ್ತರ ಕನ್ನಡ ಕಾರವಾರ ರವರು ಗೂಂಡಾ ಕಾನೂನಿನಡಿ ಕ್ರಮ ಜರುಗಿಸಿದ ಕುರಿತು.

1)    ಹೊಸಬು ಮಾಬ್ಲೇಶ್ವರ ಗೌಡ, 54 ವರ್ಷ,  ಬಿಜ್ಜೂರು ಗೋಕರ್ಣ
ಉತ್ತರ ಕನ್ನಡ ಜಿಲ್ಲೆಯ ವಿವಿಧ ಕಡೆಗಳಲ್ಲಿ ಗಾಂಜಾ ಮಾದಕ ವಸ್ತುವಿನ ಮಾರಾಟದಿಂದ ಯುವ ಪಿಳಿಗೆಯು ಹಾಳಾಗುತ್ತಿರುವುದನ್ನು ಮನಗಂಡು ಈಗಾಗಲೇ ವಿಶೇಷ ಡ್ರೈವ್ ಮಾಡಿ 32 ಪ್ರಕರಣಗಳನ್ನು ಪತ್ತೆ ಹಚ್ಚಲಾಗಿತ್ತು. 

ಮುಖ್ಯವಾಗಿ ಗೋಕರ್ಣದಲ್ಲಿ ಹೆಚ್ಚಿನ ಸಂಖ್ಯೆಯ ಪ್ರಕರಣಗಳು ಪತ್ತೆಯಾಗಿದ್ದು 2007 ರಿಂದ 2017 ರವರೆಗೆ ಒಟ್ಟು   34 ಮಾದಕ ವಸ್ತು ಸಾಗಾಟ ಮಾರಾಟ  ಪ್ರಕರಣಗಳು ಪತ್ತೆಯಾಗಿರುತ್ತದೆ. ಗೋಕರ್ಣವು ಧಾರ್ಮಿಕವಾಗಿ ಅತಿ ಪ್ರಮುಖವಾಗಿದ್ದು  ಅಲ್ಲದೇ ಅಪಾರ ಸಂಖ್ಯೆಯ  ಪ್ರವಾಸಿಗರು  ಮುಖ್ಯವಾಗಿ ವಿದೇಶಿಯವರು ಆಗಮಿಸುತ್ತಿದ್ದು ಪ್ರವಾಸಿಗರ ಹಿತ ದೃಷ್ಟಿಯಿಂದ ಮಾದಕ ವಸ್ತು ಮಾರಾಟ ತಡೆ ಮಾಡಲಾಗುತ್ತಿದೆ.

ಈಗಾಗಲೇ  ಕಳೆದ 10 ವರ್ಷಗಳಿಂದ ಗೋಕರ್ಣದ ಹೊಸಬು ಮಾಬ್ಲೇಶ್ವರ ಗೌಡ ಇತನ ವಿರುದ್ಧ  ಎನ್.ಡಿ.ಪಿ.ಎಸ್. ಕಾಯಿದೆ -1985 ಹಾಗೂ ಇನ್ನುಳಿದ ಕಾನೂನಿನಡಿ ಒಟ್ಟೂ 10 ದಾಖಲಾಗಿರುತ್ತವೆ. ಹಾಗೂ 2017 ನೇ ಸಾಲಿನಲ್ಲಿ ಮಾದಕ ದ್ರವ್ಯ ಮಾರಾಟ ಕುರಿತಾಗಿ 02 ಪ್ರಕರಣ ದಾಖಲಾಗಿರುತ್ತವೆ. ಹಾಗೂ 01  ಪ್ರಕರಣದಲ್ಲಿ ಮಾನ್ಯ ನ್ಯಾಯಾಲಯದಿಂದ ಶಿಕ್ಷೆಯೂ ಆಗಿರುತ್ತದೆ.  

ಇತನ ಕಾನೂನು ಬಾಹಿರ ಸಮಾಜ ಘಾತಕ ಕೃತ್ಯಗಳನ್ನು ನಿಯಂತ್ರಿಸುವ ಸಂಬಂಧವಾಗಿ ಈತನ ಮೇಲೆ ಗೂಂಡಾ ಕಾನೂನಿನಡಿ ಕ್ರಮ ಜರುಗಿಸಲಾಗಿದೆ.
    
2)    ಸುರೇಶ ರಾಮಪ್ಪ ಜಿಂಗಾಡೆ, 52 ವರ್ಷ, ಹಾಳದಕಟ್ಟಾ, ಸಿದ್ದಾಪುರ
ಸಿದ್ದಾಪುರ ತಾಲೂಕಿನಲ್ಲಿ ಮಟಕಾ ಜೂಗಾರಾಟವನ್ನು ಹಲವಾರು ವರ್ಷಗಳಿಂದ ನಡೆಸಿಕೊಂಡು ಬಂದಿರುತ್ತಿದ್ದು, ಪ್ರಕರಣ ದಾಖಲಿಸಲು ಹೋದ ಪೊಲೀಸ್ ಅಧಿಕಾರಿಗಳ ಮೇಲೆ ಸುಳ್ಳು ಆರೋಪಗಳನ್ನು ಹೊರಿಸಿ ಹಲ್ಲೆ ಮಾಡಿದ ಪ್ರಕರಣಗಳು ಇತನ ಮೇಲೆ ದಾಖಲಾಗಿರುತ್ತದೆ. ಸಿದ್ದಾಪುರ ತಾಲೂಕಿನಲ್ಲಿ ಮದ್ಯಮ ವರ್ಗದ ಮತ್ತು ಕೂಲಿಕಾರ ಜನರು ಮಟಕ ಜೂಗಾರಾಟ ಹೆಸರಿನಿಂದ ಹಾಳಾಗುತ್ತಿದ್ದು,  ಈಗಾಗಲೇ ಆತನ ಮೇಲೆ 17 ಮಟಕಾ ಜೂಗಾರಾಟದ ಮತ್ತು ಇತರ ಪ್ರಕರಣಗಳು ದಾಖಲಾಗಿದ್ದು, ಒಂದು ಪ್ರಕರಣದಲ್ಲಿ ಶಿಕ್ಷೆಯಾಗಿರುತ್ತದೆ. 

ಇತನ ಕಾನೂನು ಬಾಹಿರ ಸಮಾಜ ಘಾತಕ ಕೃತ್ಯಗಳನ್ನು ನಿಯಂತ್ರಿಸುವ ಸಂಬಂಧವಾಗಿ ಈತನ ಮೇಲೆ ಗೂಂಡಾ ಕಾನೂನಿನಡಿ ಕ್ರಮ ಜರುಗಿಸಲಾಗಿದೆ.

3)    ಬಡೆಸಾಬ ಹುಸೇನ ಸಾಬ ಕಕ್ಕೇರಿ, 43 ವರ್ಷ, ಸಾ|| ತಟ್ಟಿಗೇರಿ ಹಳಿಯಾಳ
ಹಳಿಯಾಳ ತಾಲೂಕಿನಲ್ಲಿ ನಿರಂತರವಾಗಿ ಗಲಾಟೆ, ದೊಂಬಿ, ಹಾಗೂ ಅಕ್ರಮವಾಗಿ ಬಡ ನಿರಕ್ಷರ ಜನರಿಗೆ ತಪ್ಪು ಮಾಹಿತಿಯನ್ನು ನೀಡಿ ಅಕ್ರಮ ಹಣ ಸಂಪಾದನೆ ಮಾಡುತ್ತಿದ್ದ ಇತನ ಮೇಲೆ ಈಗಾಗಲೇ ಒಟ್ಟು 17 ಪ್ರಕರಣಗಳು ದಾಖಲಾಗಿದ್ದು, ಮುಖ್ಯವಾಗಿ  ದೊಂಬಿ, ಮಹಿಳೆಯರ ಮೇಲೆ 

ದೌರ್ಜನ್ಯ, ಜೀವ ಬೆದರಿಕೆ, ಸರ್ಕಾರಿ ಅಧಿಕಾರಿಗಳ ಮೇಲೆ ಹಲ್ಲೆ ಹಾಗೂ ವನ್ಯ ಜೀವಿ ಕಾನೂನಿನಡಿಯಲ್ಲಿ ಪ್ರಕರಣಗಳನ್ನು ದಾಖಲಿಸಲಾಗಿರುತ್ತದೆ. ಹೆಚ್ಚಿನ ಪ್ರಕರಣಗಳಲ್ಲಿ ಫಿರ್ಯಾಧಿದಾರರಿಗೆ 
ಹಾಗೂ ಸಾಕ್ಷಿದಾರರಿಗೆ ವಿಚಾರಣೆ ಪೂರ್ವ ಹೆದರಿಸಿ ಸಾಕ್ಷಿ ಹೇಳದಂತೆ ಮಾಡಿದ ದೂರುಗಳು ಬಂದಿರುತ್ತದೆ. 

ಈ ಮೂರು ಪ್ರಕರಣಗಳನ್ನು ಪರಿಶೀಲಿಸಿದ ಶ್ರೀ ವಿನಾಯಕ್ ಪಾಟೀಲ್, ಐಪಿಎಸ್, ಪೊಲೀಸ್ ಅಧೀಕ್ಷಕರು, ಉ.ಕ. ಕಾರವಾರ, ರವರು ಈ ಸಮಾಜ ಘಾತುಕ ವ್ಯಕ್ತಿಗಳ ಅಪರಾಧ ಕೃತ್ಯಗಳ ಮೇಲೆ  ನಿಯಂತ್ರಣ ಇಡುವ ಸಂಬಂಧವಾಗಿ ಗೂಂಡಾ ಕಾನೂನಿನಡಿ ಕ್ರಮ ಜರುಗಿಸುವ ಅವಶ್ಯಕತೆ ಕಂಡುಬಂದಿದ್ದರಿಂದ ಈ ಕುರಿತು ಜಿಲ್ಲಾಧಿಕಾರಿಗಳು ಹಾಗೂ ಜಿಲ್ಲಾದಂಢಾಧಿಕಾರಿಗಳು ಉ,.ಕ. ಕಾರವಾರ ರವರಿಗೆ ಪ್ರಸ್ಥಾವನೆಯನ್ನು ಸಲ್ಲಿಸಿದ್ದರು.

ಶ್ರೀ ಎಸ್.ಎಸ್. ನಕುಲ ಐ.ಎ.ಎಸ್, ಜಿಲ್ಲಾಧಿಕಾರಿಗಳು ಹಾಗೂ ಜಿಲ್ಲಾದಂಢಾಧಿಕಾರಿಗಳು, ಉತ್ತರ ಕನ್ನಡ ಜಿಲ್ಲೆ ಕಾರವಾರ ರವರು ವಿಚಾರಣೆ ನಡೆಸಿ ದಿನಾಂಕ 08-02-2018 ರಿಂದ ಮೂರು ತಿಂಗಳ ವರೆಗೆ ಬಂಧನದ ಆದೇಶವನ್ನು ಹೊರಡಿಸಿ ಜಿಲ್ಲಾ ಕಾರಾಗೃಹ ಕಾರವಾರದಲ್ಲಿ ಬಂದನದಲ್ಲಿಡುವ ಕುರಿತು ಆದೇಶಿಸಿರುತ್ತಾರೆ.

 .
 ಸಾರ್ವಜನಿಕ ಸಂಪರ್ಕಾಧಿಕಾರಿ,
ಜಿಲ್ಲಾ ಪೊಲೀಸ್ ಅಧೀಕ್ಷಕರ ಕಛೇರಿ,
 ಉತ್ತರ ಕನ್ನಡ ಜಿಲ್ಲೆ, ಕಾರವಾರ.