ಕಾರವಾರ ಆಗಸ್ಟ 30 : ಹಳಿಯಾಳ ಸರಕಾರಿ ಪ್ರಥಮ ದರ್ಜೆ ಕಾಲೇಜಿನ ರಾಷ್ಟ್ರೀಯ ಸೇವಾ ಯೋಜನೆ ಘಟಕವು  ಸಪ್ಟೆಂಬರ್ 5 ರಂದು ವಿದ್ಯಾರ್ಥಿಗಳಿಗಾಗಿ ಪ್ರಬಂಧ ಹಾಗೂ ಕಿರು ಸಿನಿಮಾ ಸ್ಪರ್ಧೆಗಳನ್ನು ಮಹಾವಿದ್ಯಾಲಯದಲ್ಲಿ ಆಯೋಜಿಸಲಾಗಿದೆ.
ಪ್ರಬಂಧ ಸ್ಪರ್ಧೆ ವಿಷಯ ‘ಸ್ವಚ್ಛತೆಗಾಗಿ ನಾನೇನು ಮಾಡುವೆ?’ಮತ್ತು ಕಿರು ಚಿತ್ರ ಸ್ಪರ್ಧೆ ವಿಷಯ “ನನ್ನ ದೇಶವನ್ನು ಸ್ವಚ್ಚವಾಗಿಡುವಲ್ಲಿ ನನ್ನ ಪಾತ್ರ” ಎಂದಾಗಿರುತ್ತದೆ.
    ಕಿರು ಚಿತ್ರ ಸ್ಪರ್ಧೆಯನ್ನು 2 ರಿಂದ 03 ನಿಮೀಷದೊಳಗಾಗಿ ತೋರಿಸುವಂತೆ ಚಿತ್ರಿಕರಣ ಮಾಡಬೇಕು.  ಗ್ರಾಮಗಳ ರಸ್ತೆ ಸ್ವಚ್ಚತೆ, ಶೌಚಾಲಯ ಸ್ವಚ್ಚತೆ, ಮಹಾತ್ಮರ ಪುತ್ಥಳಿಗಳ ಸ್ವಚ್ಚತೆ,ಬಸನಿಲ್ದಾಣ ಸ್ವಚ್ಛತೆ,  ಇತ್ಯಾದಿ ವಿಷಗಳ ಕುರಿತು ಕ್ರಿರು ಚಿತ್ರವನ್ನು ತಯಾರಿಸಿ ಅದನ್ನು ಸಿ ಡಿ ಮಾಡಿ, ಸಪ್ಟೆಂಬರ್ 15 ರೊಳಗಾಗಿ ಡಾ.ಮಾಲತಿ ಸಿ.ಹಿರೇಮಠ ಕಾರ್ಯಕ್ರಮ ಅಧಿಕಾರಿಗಳು, ರಾಷ್ಟ್ರೀಯ ಸೇವಾ ಯೋಜನೆ ಘಟಕ, ಸರಕಾರಿ ಪ್ರಥಮ ದರ್ಜೆ ಕಾಲೇಜು ಹಳಿಯಾಳ, ಉತ್ತರಕನ್ನಡ ಜಿಲ್ಲೆ  ಇವರಿಗೆ ತಲುಪುವಂತೆ ಕಳುಹಿಸಿ ಕೊಡಲು  ಕೋರಲಾಗಿದೆ. 

ಕಾರವಾರ: ಜಿಲ್ಲಾ ಉಸ್ತುವಾರಿ ಸಚಿವರ ಪ್ರವಾಸ
ಕಾರವಾರ ಆಗಸ್ಟ 30: ಬೃಹತ್ ಮತ್ತು ಮಧ್ಯಮ ಕೈಗಾರಿಕೆ, ಪ್ರವಾಸೋದ್ಯಮ ಹಾಗೂ ಜಿಲ್ಲಾ ಉಸ್ತುವಾರಿ ಸಚಿವ ಆರ್.ವಿ.ದೇಶಪಾಂಡೆ ಅವರು ಸೆಪ್ಟಂಬರ್ 4,5, ಮತ್ತು 6  ರಂದು ಜಿಲ್ಲೆಯ ವಿವಿಧ ಕಾರ್ಯಕ್ರಮಗಳಲ್ಲಿ ಭಾಗವಹಿಸುವರು 
ಸೆಪ್ಟಂಬರ್ 4 ರಂದು ಸಂಜೆ 6.30ಕ್ಕೆ ಹಳಿಯಾಳದಲ್ಲಿ ಸಾರ್ವಜನಿಕರನ್ನು ಭೇಟಿ ಮಾಡುವರು ಸೆಪ್ಟಂಬರ್ 5 ರಂದು ಬೆಳಗ್ಗೆ 9.30ಕ್ಕೆ ಹಳಿಯಾಳದಲ್ಲಿ ಶಿಕ್ಷಕರ ದಿನಾಚರಣೆ ಕಾರ್ಯಕ್ರಮದಲ್ಲಿ ಭಾಗವಹಿಸುವರು. ಮದ್ಯಾಹ್ನ 12 ಗಂಟೆಗೆ ಜೋಯಿಡಾದಲ್ಲಿ ಶಿಕ್ಷಕರ ದಿನಾಚರಣೆ ಕಾರ್ಯಕ್ರಮದಲ್ಲಿ ಭಾಗವಹಿಸುವರು. ಮದ್ಯಾಹ್ನ 3.30ಕ್ಕೆ ಹರ್ನೋಡಾದಲ್ಲಿ ‘ನಮ್ಮ ಗ್ರಾಮ ನಮ್ಮ ರಸ್ತೆ’ ಯೋಜನೆಯಡಿಯಲ್ಲಿ ಬಡಾಕಾನಶಿರಡಾದಿಂದ ಸಾಕಸಾಲಿಯವರೆಗೆ ರಸ್ತೆ ನಿರ್ಮಾಣ ಕಾಮಗಾರಿಗೆ ಚಾಲನೆ ನೀಡುವರು.  ಸಂಜೆ 5 ಗಂಟೆಗೆ ಬೀಮನಳ್ಳಿಯಲ್ಲಿ ‘ನಮ್ಮ ಗ್ರಾಮ ನಮ್ಮ ರಸ್ತೆ’ ಯೋಜನೆಯಡಿಯಲ್ಲಿಬೀಮನಳ್ಳಿಯಿಂದ ಬಾಗವತಿಯವರೆಗೆ ರಸೆ ನಿರ್ಮಾಣ ಕಾಮಗಾರಿಗೆ ಚಾಲನೆ ನೀಡುವರು. ಸಂಜೆ  ಸೆಪ್ಟಂಬರ್ 6 ರಂದು ಬೆಳಗ್ಗೆ 9ಕ್ಕೆ ತಟ್ಟಗೇರಾದಲ್ಲಿ ಹೊಸ ಗ್ರಾಮ ಪಂಚಾಯಯತ್ ಕಟ್ಟಡ ಉದ್ಘಾಟನೆ ಸಮಾರಂಭದಲ್ಲಿ ಭಾಗವಹಿಸುವರು.ಬಳಿಕ ನೂತನವಾಗಿ ನಿರ್ಮಿಸಿದ ಪಶುಚಿಕಿತ್ಸಾಲಯ ಮತ್ತು ಶಾಲಾ ಕೊಠಡಿ ಉದ್ಘಾಟನಾ ಸಮಾರಂಭದಲ್ಲಿಮ ಭಾಗವಹಿಸುವರು. ಬೆಳಗ್ಗೆ 11 ಗಂಟೆಗೆ ಬಸವಳ್ಳಿ ಉತಾರ ಗ್ರಾಮದ ವಿದ್ಯುತ್ತಿಕರಣಕ್ಕೆ ಚಾಲನೆ ನೀಡುವರು. ಮದ್ಯಾಹ್ನ 12 ಗಂಟೆಗೆ ಅಡಿಕೆಹೊಸುರುನಲ್ಲಿ ‘ನಮ್ಮ ಗ್ರಾಮ ನಮ್ಮ ರಸ್ತೆ’ ಯೋಜನೆಯಡಿಯಲ್ಲಿ ಅಡಿಕೆಹೊಸೂರುದಿಂದ ತಟ್ಟಗೇರಾ ರಸ್ತೆ ನಿರ್ಮಾಣ  ಕಾಮಗಾರಿಗೆ ಚಾಲನೆ ನೀಡುವರು. ಮದ್ಯಾಹ್ನ 1 ಗಂಟೆಗೆ ಸಾಂಬ್ರಾಣ ಯಲ್ಲಿ ನೂತನವಾಗಿ ನಿರ್ಮಿಸಿದ ವಲಯ ಅರಣ್ಯಾಧಿಕಾರಿಗಳ ಕಚೇರಿ ಉದ್ಘಾಟನಾ ಸಮಾರಂಭದಲ್ಲಿ ಭಾಗವಹಿಸುವರು. ಮದ್ಯಾಹ್ನ 2 ಗಂಟೆಗೆ ಕರ್ಲಕಟ್ಟಾದಲ್ಲಿ ನೂತನವಾಗಿ ನಿರ್ಮಿಸಿದ ಪ್ರಾಥಮಿಕ ಶಾಲಾ ಕೊಠಡಿಯ ಉದ್ಘಾಟನಾ ಸಮಾರಂಭದಲ್ಲಿ ಭಾಗವಹಿಸುವರು. ಮದ್ಯಾಹ್ನ 3 ಗಂಟೆಗೆ ಹಳಿಯಾಳದಲ್ಲಿ ಸಾರ್ವಜನಿಕರ ಭೇಟಿ ಮಾಡುವರು.