ಮಹಾರಾಷ್ಟ್ರದಲ್ಲಿ ಪ್ಲಾಸ್ಟಿಕ್ ನಿಷೇಧದಿಂದಾಗಿ 15,000 ಕೋ.ರೂ.ನಷ್ಟ-ಭಾರತೀಯ ಪ್ಲಾಸ್ಟಿಕ್ ಬ್ಯಾಗ್‌ಗಳ ತಯಾರಕರ ಸಂಘ ಆತಂಕ

Source: sonews | By sub editor | Published on 24th June 2018, 11:19 PM | National News | Don't Miss |

ಮುಂಬೈ: ಮಹಾರಾಷ್ಟ್ರದಲ್ಲಿ ಪ್ಲಾಸ್ಟಿಕ್ ನಿಷೇಧದಿಂದಾಗಿ 15,000 ಕೋ.ರೂ.ನಷ್ಟ ಉಂಟಾಗಲಿದೆ ಮತ್ತು ಸುಮಾರು ಮೂರು ಲಕ್ಷ ಜನರು ತಮ್ಮ ಜೀವನೋಪಾಯ ಕಳೆದುಕೊಳ್ಳಲಿದ್ದಾರೆ ಎಂದು ಭಾರತೀಯ ಪ್ಲಾಸ್ಟಿಕ್ ಬ್ಯಾಗ್‌ಗಳ ತಯಾರಕರ ಸಂಘವು ಆತಂಕ ವ್ಯಕ್ತಪಡಿಸಿದೆ.

ರಾಜ್ಯ ಸರಕಾರವು ಶನಿವಾರದಿಂದ ಜಾರಿಗೊಳಿಸಿರುವ ನಿಷೇಧವು ಉದ್ಯಮಕ್ಕೆ ಮರ್ಮಾಘಾತವನ್ನುಂಟು ಮಾಡಿದೆ. ರಾತ್ರಿ ಬೆಳಗಾಗುವುದರಲ್ಲಿ 15,000 ಕೋ.ರೂ.ಗಳ ನಷ್ಟದ ಜೊತೆಗೆ ಸುಮಾರು ಮೂರು ಲಕ್ಷ ಜನರು ಉದ್ಯೋಗಗಳನ್ನು ಕಳೆದುಕೊಳ್ಳುತ್ತಿದ್ದಾರೆ ಎಂದು ಸಂಘದ ಪ್ರಧಾನ ಕಾರ್ಯದರ್ಶಿ ನೀಮಿತ್ ಪುನಮಿಯಾ ಅವರು ರವಿವಾರ ಸುದ್ದಿಸಂಸ್ಥೆಗೆ ತಿಳಿಸಿದರು.

ನಿಷೇಧದ ಬಳಿಕ ಸಂಘದ ಸುಮಾರು 2,500 ಸದಸ್ಯರಿಗೆ ತಮ್ಮ ಉದ್ಯಮಗಳನ್ನು ಮುಚ್ಚುವುದು ಬಿಟ್ಟರೆ ಬೇರೆ ದಾರಿಯುಳಿದಿಲ್ಲ ಎಂದ ಅವರು,ನಿಷೇಧವು ತಾರತಮ್ಯದಿಂದ ಕೂಡಿದೆ ಎಂದು ದೂರಿದರು.

 ಕ್ಯಾರಿಬ್ಯಾಗ್,ಬಳಸಿ ಎಸೆಯುವ ಚಮಚ ಮತ್ತು ಪ್ಲೇಟ್‌ಗಳು, ಪೆಟ್ ಬಾಟಲ್‌ಗಳು ಮತ್ತು ಥರ್ಮೊಕೋಲ್‌ನಂತಹ ಪ್ಲಾಸ್ಟಿಕ್ ಸಾಮಗ್ರಿಗಳ ತಯಾರಿಕೆ, ಬಳಕೆ, ಮಾರಾಟ,ವಿತರಣೆ ಮತ್ತು ದಾಸ್ತಾನನ್ನು ನಿಷೇಧಿಸುವುದಾಗಿ ಮಾ.23ರಂದು ಪ್ರಕಟಿಸಿದ್ದ ಸರಕಾರವು,ಇದ್ದ ದಾಸ್ತಾನನ್ನು ವಿಲೇವಾರಿ ಮಾಡಲು ಮೂರು ತಿಂಗಳ ಗಡುವು ನೀಡಿತ್ತು. ಈ ಗಡುವು ಶನಿವಾರ ಅಂತ್ಯಗೊಂಡಿದೆ.

ನಿಷೇಧದಿಂದಾಗಿ ಉದ್ಯೋಗ ನಷ್ಟವು ರಾಜ್ಯದ ಜಿಡಿಪಿಯ ಮೇಲೆ ಪರಿಣಾಮವನ್ನು ಬೀರಲಿದೆ ಮತ್ತು ಪ್ಲಾಸ್ಟಿಕ್ ಕ್ಷೇತ್ರದಿಂದ ಬ್ಯಾಂಕುಗಳ ಕೆಟ್ಟ ಸಾಲಗಳನ್ನು ಹೆಚ್ಚಿಸಲಿದೆ ಎಂದು ಉದ್ಯಮದ ಮೂಲಗಳು ತಿಳಿಸಿದವು.

ನಿಷೇಧ ಉಲ್ಲಂಘನೆಗೆ ಭಾರೀ ದಂಡದ ಭೀತಿಯಿಂದಾಗಿ ಮುಂಬೈ ಮಹಾನಗರದಲ್ಲಿಯ ಚಿಲ್ಲರೆ ಮಾರಾಟಗಾರರು ಹಲವಾರು ಗ್ರಾಹಕರನ್ನು ವಾಪಸ್ ಕಳುಹಿಸುತ್ತಿದ್ದಾರೆ. ಅನಾನುಕೂಲದ ವಿರುದ್ಧ ಬಳಕೆದಾರರು ದೂರಿದ್ದು,ಈ ನಿಷೇಧಕ್ಕೆ ಅರ್ಥವಿದೆಯೇ ಎಂದು ಪ್ರಶ್ನಿಸಿದ್ದಾರೆ.

Read These Next

ದಿನ ನಿತ್ಯದ ಅಗತ್ಯ ವಸ್ತುಗಳನ್ನು ಜಿಎಸ್ಟಿ ವ್ಯಾಪ್ತಿಗೆ ತರುವಂತೆ ಆಗ್ರಹಿಸಿ ರೈತಸಂಘದಿಂದ ಪ್ರತಿಭಟನೆ

ಕೋಲಾರ: ಜನ ಸಾಮಾನ್ಯರ ದಿನ ನಿತ್ಯದ ಅಗತ್ಯ ವಸ್ತುಗಳಾದ ಡೀಜಲ್, ಪೆಟ್ರೋಲ್, ಗ್ಯಾಸ್‍ನ್ನು ಜಿ.ಎಸ್.ಟಿ ವ್ಯಾಪ್ತಿಗೆ ತರಬೇಕೆಂದು ...

ಅಜರ್‍ಬೈಜಾನ್ ಜೊತೆಗಿನ ದ್ವಿಪಕ್ಷೀಯ ಸಂಬಂಧವನ್ನು ಭಾರತ ಗೌರವಿಸುತ್ತದೆ - ಮುನಿಯಪ್ಪ

ಕೋಲಾರ:  ಭಾರತ ಮತ್ತು ಅಜರ್‍ಬೈಜಾನ್ ನಮ್ಮ ಐತಿಹಾಸಿಕ ಸಂಬಂಧಗಳು ಮತ್ತು ಹಂಚಿಕೆ ಸಂಪ್ರದಾಯಗಳ ಆಧಾರದ ಮೇಲೆ ನಿಕಟ ಮತ್ತು ಸೌಹಾರ್ದಯುತ ...

ಯಲ್ಲಾಪುರದಲ್ಲಿ ಬಾಲಕರ ಮೇಲೆ ಬೀದಿನಾಯಿಗಳಿಂದ ದಾಳಿ;ಕಣ್ಮುಚ್ಚಿಕೊಂಡಿರು ತಾಲೂಕಾಡಳಿತ

ಯಲ್ಲಾಪುರ: ಉತ್ತರಕನ್ನಡ ಜಿಲ್ಲಾದ್ಯಂತ ಬೀದಿನಾಯಿ ಹಾಗೂ ಹುಚ್ಚುನಾಯಿಗಳ ಕಾಟ ದಿನೆ ದಿನೆ ಹೆಚ್ಚಾಗುತ್ತಿದ್ದು ಜಿಲ್ಲಾಡಳಿತ ಇದಕ್ಕೂ ...

ಪಟ್ಟಣದವಾಸಿಗಳೆ ಎಚ್ಚರ  ಬೀದಿಯಲ್ಲಿ ಬೌ ಬೌ ಸದ್ದು ಎಚ್ಚರ ತಪ್ಪಿದರೂ ನಾಯಿ ಕಡಿತ. ಕೈಕಟ್ಟಿ ಕುಳಿತಿರುವ ಪುರಸಭೆ ಅಧಿಕಾರಿಗಳು

ಶ್ರೀನಿವಾಸಪುರ: ಪಟ್ಟಣದವಾಸಿಗಳೆ ಎಚ್ಚರ  ಪಟ್ಟಣದ ಹಾದಿ ಬೀದಿಯಲ್ಲಿ ಈಗ ಬೌ ಬೌ ಸದ್ದು. ಸ್ವಲ್ಪ ಎಚ್ಚರ ತಪ್ಪಿದರೂ ನಾಯಿ ಕಡಿತ ...