ಹೊಸದಿಲ್ಲಿ: ನೋಟ್‌ ಬ್ಯಾನ್ ಕ್ರಮವನ್ನು ಪ್ರಧಾನಿ ನರೇಂದ್ರ ಮೋದಿ, 'ಶುದ್ಧಿ ಯಜ್ಞ' ಎಂದು ಬಣ್ಣಿಸಿದ್ದಾರೆ.

ಹೊಸ ವರ್ಷದ ಮುನ್ನಾದಿನ ಶನಿವಾರ ಸಂಜೆ 7:30ಕ್ಕೆ ಪ್ರಧಾನಿ ನರೇಂದ್ರ ಮೋದಿ, ನೋಟು ನಿಷೇಧದ 50 ದಿನಗಳ ನೋವನ್ನು ಸಹಿಸಿಕೊಂಡು ಭ್ರಷ್ಟಾಚಾರ ವಿರುದ್ಧ ಸಮರದಲ್ಲಿ ಸರಕಾರವನ್ನು ಬೆಂಬಲಿಸಿದ್ದಕ್ಕಾಗಿ ದೇಶದ ಜನತೆಗೆ ಅವರು ಕೃತಜ್ಞತೆ ಸಲ್ಲಿಸಿದ್ದಾರೆ.

ಪ್ರಧಾನಿ ಭಾಷಣದ ಪ್ರಮುಖಾಂಶ:

*ನೋಟ್‌ ಬ್ಯಾನ್‌ನಿಂದ ರೈತರು ಕಂಗಾಲಾಗಿದ್ದಾರೆ ಎಂಬ ಟೀಕೆ ಕೇಳಿಬಂದರೂ, ಹಿಂಗಾರು ಬೆಳೆ ಪ್ರಮಾಣ ಶೇ.6 ಹಾಗೂ ರಸಗೊಬ್ಬರದ ಮಾರಾಟ ಶೇ.9 ರಷ್ಟು ಏರಿಕೆ ಆಗಿದೆ.

*BHIM app ಬಳಕೆಗೆ ಹೆಚ್ಚು ಒತ್ತು ನೀಡಬೇಕು ಎಂದು ಜನರನ್ನು ಆಗ್ರಹಿಸುತ್ತೇನೆ.

*ಎಲ್ಲ ರಾಜಕೀಯ ಪಕ್ಷಗಳು ರಾಜಕೀಯವನ್ನು ಬದಿಗಿಟ್ಟು, ಪಾರದರ್ಶಕತೆಗೆ ಒತ್ತು ನೀಡಲಿ.

*ಸಣ್ಣ ವರ್ತಕರ ಸಾಲ ಮಿತಿಯನ್ನು ಶೇ.20ರಿಂದ ಶೇ.25ಕ್ಕೆ ಏರಿಸಲು ಬ್ಯಾಂಕ್‌ಗಳಿಗೆ ಸೂಚಿಸಲಾಗಿದೆ.

*ತಾಯಿ ಮತ್ತು ಶಿಶು ಮರಣ ಪ್ರಮಾಣವನ್ನು ತಗ್ಗಿಸುವ ನಿಟ್ಟಿನಲ್ಲಿ ಎಲ್ಲ ಗರ್ಭಿಣಿಯರ ಬ್ಯಾಂಕ್‌ ಖಾತೆಗೆ 6,000 ರೂ. ಜಮೆ ಮಾಡಲಾಗುವುದು.

*ಸಣ್ಣ ವರ್ತಕರ ಸಾಲ ಮಿತಿಯನ್ನು 2 ಕೋಟಿ ರೂ.ವರೆಗೆ ಏರಿಸಲಾಗುವುದು.

*ಹಿರಿಯ ನಾಗರಿಕರ 7,50,00 ರೂ.ವರೆಗಿನ ಠೇವಣಿಗೆ ಶೇ.8ರಷ್ಟು ಬಡ್ಡಿ ನೀಡಲಾಗುವುದು.

*ಜನ ತಮ್ಮದೇ ಹಣ ಪಡೆಯಲು ಗಂಟಗಟ್ಟಲೇ ಸರದಿ ಸಾಲಿನಲ್ಲಿ ನಿಂತರೂ, ಭ್ರಷ್ಟಚಾರದ ವಿರುದ್ಧದ ಹೋರಾಟದಲ್ಲಿ ಹೆಜ್ಜೆ ಹಿಂದಿಡಲಿಲ್ಲ.

*ಅಂಕಿ ಅಂಶಗಳ ಪ್ರಕಾರ, ದೇಶದಲ್ಲಿ 10 ಲಕ್ಷ ರೂ.ಗಳಿಗಿಂತ ಹೆಚ್ಚಿನ ವಾರ್ಷಿಕ ವರಮಾನ ಹೊಂದಿರುವವರು ಕೇವಲ 24 ಲಕ್ಷ ಜನ. ನಮ್ಮ ಸುತ್ತಮುತ್ತ ದೊಡ್ಡ ಬಂಗಲೆಗಳು, ಐಷಾರಾಮಿ ಕಾರುಗಳನ್ನು ನೋಡುತ್ತಿದ್ದರೂ, ಅಂಕಿ ಅಂಶಗಳು ಹೇಳಿರುವುದೇ ಬೇರೆ.

* ದೇಶದ ನಾಗರಿಕರು ತಮ್ಮ ಕಠಿಣ ಪರಿಶ್ರಮದಿಂದ ಉಜ್ವಲ ಭವಿಷ್ಯಕ್ಕೆ ಭದ್ರ ಬುನಾದಿ ಹಾಕಿದ್ದಾರೆ.

*ಕಪ್ಪು ಹಣದಿಂದಲೇ ನಕ್ಸಲ್‌, ಭಯೋತ್ಪಾದನಾ ಚಟುವಟಿಕೆ, ಪರ್ಯಾಯ ಆರ್ಥಿಕ ವಹಿವಾಟು ನಡೆಯುತ್ತಿದೆ ಎಂಬುದು ಇಡೀ ವಿಶ್ವಕ್ಕೆ ಗೊತ್ತಿದೆ.

*ಸರಕಾರಿ ಅಧಿಕಾರಿಗಳು ಅಮಾಯಕರನ್ನು ರಕ್ಷಿಸುವ ಜತೆ ಭ್ರಷ್ಟರ ವಿರುದ್ಧ ಕ್ರಮ ಕೊಳ್ಳಬೇಕು.

*ಬಡ ಹಾಗೂ ಮಧ್ಯಮ ವರ್ಗದವರ 9 ಲಕ್ಷರೂ. ವರೆಗಿನ ಗೃಹ ಸಾಲದ ಮೇಲಿನ ಬಡ್ಡಿಯಲ್ಲಿ ಶೇ.4ರಷ್ಟು ಹಾಗೂ 12 ಲಕ್ಷ ರೂ.ವರೆಗಿನ ಸಾಲದ ಮೇಲಿನ ಬಡ್ಡಿಯಲ್ಲಿ ಶೇ.3ರಷ್ಟು ವಿನಾಯಿತಿ ದೊರೆಯಲಿದೆ.

*ಬಡ ಹಾಗೂ ಮಧ್ಯಮ ವರ್ಗದವರು ಮನೆ ಖರೀದಿಸಲು ಅನುಕೂಲವಾಗುವಂಥ ಕೆಲ ಕ್ರಮಗಳನ್ನು ಸರಕಾರ ಕೈಗೊಳ್ಳಲ್ಲಿದೆ. ಬಡ ಜನರಿಗೆ ಕಟ್ಟಡ/ಮನೆ ಕೊಳ್ಳಲು ಅನುಕೂಲವಾಗುವಂತೆ ಪ್ರಧಾನ ಮಂತ್ರಿ ಆವಾಸ್‌ ಯೋಜನೆ ಅಡಿ 2 ಹೊಸ ಯೋಜನೆಗಳನ್ನು ಜಾರಿ ತರಲಾಗುವುದು.

* ಬಡ ಹಾಗೂ ಮಧ್ಯಮ ವರ್ಗದವರ 9 ಲಕ್ಷರೂ. ವರೆಗಿನ ಗೃಹ ಸಾಲದ ಮೇಲಿನ ಬಡ್ಡಿಯಲ್ಲಿ ಶೇ.4ರಷ್ಟು ಹಾಗೂ 12 ಲಕ್ಷ ರೂ.ವರೆಗಿನ ಸಾಲದ ಮೇಲಿನ ಬಡ್ಡಿಯಲ್ಲಿ ಶೇ.3ರಷ್ಟು ವಿನಾಯಿತಿ ದೊರೆಯಲಿದೆ.

*ರೈತರ ಆಯ್ದ ಸಾಲಗಳ, 60 ದಿನಗಳ ಬಡ್ಡಿ ಹಣವನ್ನು ಸರಕಾರವೇ ಭರಸಲಿದೆ. ಈಗಾಗಲೇ ಬಡ್ಡಿ ಪಾವತಿಸಿದ್ದರೆ, ಆ ಮೊತ್ತವನ್ನು ಹಿಂದಿರುಗಿಸಲಾಗುವುದು.

*ಮುಂದಿನ 3 ತಿಂಗಳಲ್ಲಿ, 3 ಕೋಟಿ ಕಿಸಾನ್‌ ಕ್ರೆಡಿಟ್‌ ಕಾರ್ಡ್‌ಗಳನ್ನು ರೂಪೇ ಕಾರ್ಡ್‌ಗಳಾಗಿ ಪರಿವರ್ತಿಸಲಾಗುವುದು. ಕಾರ್ಡ್‌ ಮೂಲಕ ನೇರ ಖರೀದಿ/ಮಾರಾಟ ಸಾಧ್ಯವಾಗಲಿದೆ. ಇದರಿಂದ ರೈತರು ಬ್ಯಾಂಕ್‌ಗಳಿಗೆ ಧಾವಿಸಬೇಕಿಲ್ಲ.

*ಸಾಧ್ಯವಾದಷ್ಟು ಬೇಗ ಪರಿಸ್ಥಿತಿಯನ್ನು ಸಹಜ ಸ್ಥಿತಿಗೆ ತರುವ ಪ್ರಯತ್ನ ನಡೆದಿದೆ.

*ಪ್ರಾಮಾಣಿಕ ಭಾರತೀಯರು ಭ್ರಷ್ಟಾಚಾರದ ವಿರುದ್ಧ ಜಯ ಸಾಧಿಸಿದ್ದಾರೆ.

*ಈ ಕಳೆದ 50 ದಿನಗಳಲ್ಲಿ ನಾಗರಿಕರು ಏನೋ ಮಾಡಿದ್ದರೋ, ಅದೀಗ ಮಾದರಿಯಾಗಿದೆ. ಇದನ್ನು ಯಾವುದಕ್ಕೂ ಹೋಲಿಸಲಾಗದು.

* 50 ದಿನಗಳ ಅವಧಿಯಲ್ಲಿ ಜನ ಸಾಕಷ್ಟು ಸಂಕಷ್ಟಗಳನ್ನು ಎದುರಿಸಿದ್ದಾರೆ. ಈ ಬಗ್ಗೆ ನನಗೂ ತಿಳಿಸಿದ್ದಾರೆ.

*ಭ್ರಷ್ಟರ ವಿರುದ್ಧ ಕಾನೂನಿನ ಕ್ರಮ ಕೈಗೊಳ್ಳಲಾಗುವುದು, ಕಠಿಣ ಕ್ರಮ ಜರುಗಿಸಲಾಗುವುದು.

*ಈ ಸರಕಾರ ಸಜ್ಜನರ ಮಿತ್ರ, ದುರ್ಜನರನ್ನು ಸಜ್ಜನರ ಹಾದಿಗೆ ತರುವ ಪ್ರಯತ್ನ ಮಾಡಲಿದೆ.

*ನೋಟ್‌ ಬ್ಯಾನ್‌ನಿಂದ ಸಮಸ್ಯೆ ಎದುರಿಸುತ್ತಿದ್ದರೂ, ಸತ್ಯ ಹಾಗೂ ಪ್ರಾಮಾಣಿಕತೆಯೇ ಜೀವನದಲ್ಲಿ ಮುಖ್ಯ ಎಂದು 125 ಕೋಟಿ ನಾಗರಿಕರು ಸಾಬೀತು ಪಡಿಸಿದ್ದಾರೆ.

*ಸದ್ಯ ನಮ್ಮಲ್ಲಿ ಆಗುತ್ತಿರುವ ಹಣದ ಚಲಾವಣೆ ಬೇರಾವ ಆರ್ಥಿಕತೆಯಲ್ಲೂ ಆಗಿಲ್ಲ.

*ಈ ದೇಶದ ಜನತೆ ನಡೆದಕೊಂಡಿರುವ ರೀತಿಯನ್ನು ರಾಮ್‌ ಮನೋಹರ್‌ ಲೋಹಿಯಾ, ಲಾಲ್‌ ಬಹಾದೂರ್‌ ಶಾಸ್ತ್ರಿ ಹಾಗೂ ಇನ್ನಿತರ ನಾಯಕರು ಇದ್ದಿದ್ದರೆ ಶ್ಲಾಘಿಸುತ್ತಿದ್ದರು.