ಮುಂಡಗೋಡ:  ತಾಲೂಕಿನ ಚವಡಳ್ಳಿ ಗ್ರಾ.ಪಂ ಅಧ್ಯಕ್ಷ ಮತ್ತು ಉಪಾಧ್ಯಕ್ಷರನ್ನು ವಜಾಗೊಳಿಸಬೇಕೆಂದು ಚವಡಳ್ಳಿಯ 9 ಗ್ರಾ.ಪಂ ಸದಸ್ಯರು ಶಿರಸಿ ಉಪವಿಭಾಗಧಿಕಾರಿಗಳಿಗೆ ಮನವಿ ನೀಡಿದ್ದು ತಡವಾಗಿ ಬೆಳಕಿಗೆ ಬಂದಿದೆ.

ಅಧ್ಯಕ್ಷ ಉಪಾಧ್ಯಕ್ಷರು ಸರಕಾರ ಯೋಜನೆಗಳನ್ನು ಸಮರ್ಪಕವಾಗಿ ಬಳಸದೇ ತಮ್ಮ ತೋಚಿದ ರೀತಿಯಲ್ಲಿ ಬಳಸುತ್ತಿರುವುದರಿಂದ ಇದು ಕಾನೂನ ಬಾಹಿರ ಕೆಲಸವಾಗಿರುತ್ತದೆ. ಅಧ್ಯಕ್ಷ ಉಪಾಧ್ಯಕ್ಷ ಮಾಡುತ್ತಿರುತ್ತದೆ.ಇದರಿಂದ ಇವರು ಮಾಡುತ್ತಿರುವ ಕೆಲಸ ಕಾರ್ಯಗಳಿಂದ ನಾವು ಅಪಾದನೆ ಹೋರಬೇಕಾಗಿದೆ.

ಇತ್ತಿತ್ತಲಾಗಿ ಗ್ರಾ.ಪಂ ಅಧ್ಯಕ್ಷರ ಮತ್ತು ಉಪಾಧ್ಯಕ್ಷರ ಕಾರ್ಯವಿಧಾನಗಳು ಸಂಪೂರ್ಣ ಬದಲಾಗಿದ್ದು ಗ್ರಾ.ಪಂ ಗೆ ಸಂಬಂದಪಟ್ಟ ಕೆಲಸಗಳನ್ನು ಪಂಚಾಯತಿಯ ಎಲ್ಲ ಸದಸ್ಯರಗಳನ್ನು ವಿಶ್ವಾಸಕ್ಕೆ ತೆಗೆದುಕೊಳ್ಳುತ್ತಿಲ್ಲ ಅಲ್ಲದೆ ಮಹಿಳಾ ಸದಸ್ಯರಿಗೆ ಸಂಪೂರ್ಣವಾದ ವಾಸ್ತವಾಂಶದ ಮಾಹಿತಿ ನೀಡದೇ ಕೆಲವೊಂದು ವಿಚಾರದಲ್ಲಿ ಅಧ್ಯಕ್ಷ, ಉಪಾಧ್ಯಕ್ಷರು ತಮ್ಮದಷ್ಟೇ ನಿಲುವನ್ನು ತಳೆದು ನಿರ್ಣಯ ಪಾಸು ಮಾಡುತ್ತಿದ್ದಾರೆ.  ಪಂಚಾಯತಿಗೆ ಒಳಪಡುವ ಗ್ರಾಮಗಳ ಅಭಿವೃದ್ಧಿ ವಿಷಯದಲ್ಲಿ ಆ ವಾರ್ಡುಗಳ ಸದಸ್ಯರಿಗೆ ಬಂದಿರುವ ಅನುದಾನವನ್ನು ಸರಿಯಾಗಿ ನೀಡದೇ ತಮಗೆ ಬೇಕಾಗುವ ವಾರ್ಡುಗಳ ಸದಸ್ಯರಿಗೆ ಮಾತ್ರ ಕಾಮಗಾರಿಯನ್ನು ನೀಡಿರುತ್ತಾರೆ. ಎನ್.ಆರ್.ಜಿ. ಯೋಜನೆಯಲ್ಲಿ ಈಗಾಗಲೇ ಅರಣ್ಯ ಪ್ರದೇಶದಲ್ಲಿನ ಕೆರೆ ಹೂಳೆತ್ತುವ ಹಾಗೂ ಜಮೀನುಗಳಲ್ಲಿ ಕೃಷಿ ಹೊಂಡದ ಹೆಸರಿನಲ್ಲಿ ಜನರಿಗೆ ಕೂಲಿ ಕೆಲಸ ಕೊಡದೇ ಯಂತ್ರಗಳ ಮೂಲಕ ಹೊಂಡಗಳನ್ನು ತೆಗೆಸಿ ಸರಕಾರಕ್ಕೆ ವಂಚನೆ ಮಾಡಿರುತ್ತಾರೆ. ಇದರಿಂದ ಪಂಚಾಯಿತಿಗೆ ಕೆಟ್ಟ ಹೆಸರು ತಂದಿರುತ್ತಾರೆ. ಅಲ್ಲದೇ ನಿಧಿ 2ರಲ್ಲಿ ಯಾವುದೇ ಸಾರ್ವಜನಿಕ ಕೆಲಸಕ್ಕೆ ಬಳಸದೇ ತಮ್ಮ ವೈಯಕ್ತಿಕವಾಗಿ ಹಣವನ್ನು ಬಳಸಿಕೊಳ್ಳುತ್ತಿದ್ದಾರೆ. ಸರಕಾರದ ಯೋಜನೆಗಳನ್ನು ಸಾರ್ವಜನಿಕ ಕೆಲಸಕ್ಕೆ ಬಳಸದೇ ತಮ್ಮ ವೈಯಕ್ತಿಕವಾಗಿ ಕೆಲಸ ಮಾಡಿಸಿರುತ್ತಾರೆ. ಆದ್ದರಿಂದ ಚವಡಳ್ಳಿ ಗ್ರಾ.ಪಂ. ಅಧ್ಯಕ್ಷ-ಉಪಾಧ್ಯಕ್ಷರು ಮಾಡಿದ ಕಾನೂನು ಬಾಹಿರ ಕೆಲಸದಿಂದ ಉಳಿದ ಸದಸ್ಯರು ಆಪಾದನೆ ಹೊರಬೇಕಾಗಿದೆ. ಈ ಕುರಿತು ಕೂಡಲೇ ಕೂಲಂಕುಶವಾಗಿ ಪರಿಶೀಲಿಸಿ ಚವಡಳ್ಳಿ ಗ್ರಾ.ಪಂ. ಅಧ್ಯಕ್ಷರನ್ನು ಮತ್ತು ಉಪಾಧ್ಯಕ್ಷರನ್ನು ವಜಾಗೊಳಿಸಬೇಕೆಂದು ಮನವಿಯಲ್ಲಿ ತಿಳಿಸಲಾಗಿದೆ. 

ಮನವಿಗೆ ಚವಡಳ್ಳಿ ಗ್ರಾ.ಪಂ. ಸದಸ್ಯರಾದ ಶಿವಪುತ್ರ ಹರಿಜನ, ಬಸವರಾಜ ಉಗ್ಗಿನಕೇರಿ, ಮಂಜುನಾಥ ಕಟಗಿ, ಲಕ್ಷ್ಮಣ ರಾಠೋಡ, ದಶರಥ ಪಾಟೀಲ, ಲಕ್ಷ್ಮವ್ವ ವಡ್ಡರ, ಬಯ್ಯಾಬಾಯಿ ಕಾತ್ರಟ, ಸುಮಿತ್ರಾ ಯಳವಟ್ಟಿ ಮತ್ತು ರುಕ್ಮಾಬಾಯಿ ಚವ್ಹಾಣ ಸಹಿ ಮಾಡಿದ್ದಾರೆ.