ಭಟ್ಕಳ: ಇಲ್ಲಿನ  ವಿದ್ಯಾಂಜಲಿ ಪಬ್ಲಿಕ್ ಶಾಲೆಯಲ್ಲಿ ನಡೆದ  ಕಿರಿಯರ ವಿಭಾಗದ  ಫ್ಯಾನ್ಸಿ ಡ್ರೆಸ್ (ಮೋಹಕ ಉಡುಗೆ)  ಸ್ಪರ್ಧೆಯಲ್ಲಿ  ಪ್ರತೀತ ರಾಮಚಂದ್ರ ಕಿಣಿ ಪ್ರಥಮ ಸ್ಥಾನ ಪಡೆದಿದ್ದಾನೆ. 
    
ಇಲ್ಲಿನ ವಿದ್ಯಾಂಜಲಿ ಪಬ್ಲಿಕ ಸ್ಕೂಲಿನಲ್ಲಿ ನಡೆದ ಕಾರ್ಯಕ್ರಮಕ್ಕೆ ಪ್ರಾಂಶುಪಾಲ ಜ್ಯೋತಿಶ ಎಮ್ ಚಾಲನೆ ನೀಡಿ ಮಾತನಾಡಿ. ಪುಟಾಣಿ ವಿದ್ಯಾರ್ಥಿಗಳ ಹಾವಭಾವವೆ ಸುಂದರ. ಮೋಹಕ ಉಡುಗೆಗಳಿಂದ ಅವರ ಭಾಗವಹಿಸುವಕೆ ಮನಸ್ಸಿಗೆ ಮುದ ನೀಡುತ್ತದೆ. ಅವರ ಪಾಲಕರಲ್ಲೂ ತಮ್ಮ ಮಕ್ಕಳ ಪ್ರತಿಭೆ ನೋಡುವ ಕಾತುರತೆ ಎದ್ದು ಕಾಣುತ್ತಿದೆ. ಪುಟಾಣಿಗಳಿಗೆ ಸಿಂಗರಿಸಿ ಸಭೆಯಲ್ಲಿ ಪ್ರಸ್ತುತ ಪಡಿಸುವ ಪರಿ ಸುಂದರ ಎಂದರು.
 
ಮೋಹಕ ಉಡುಗೆ ಸ್ಪರ್ಧೆಯಲ್ಲಿ ದ್ವಿತೀಯ ಸ್ಥಾನವನ್ನು ಶ್ರೀವತ್ಸ ಅಡಿಗ ಹಾಗೂ ದನ್ವಿನ್ ಪಡೆದರೆ ತೃತೀಯ ಸ್ಥಾನವನ್ನು ಅನಮೋಲ್ ಭಟ್ ಪಡೆದರು. 

ಶ್ರೀಗುರು ಸುಧೀಂದ್ರ ಕಾಲೇಜಿನ ಉಪನ್ಯಾಸಕಿಯರಾದ ವಂದನಾ ಡಿಸೋಜಾ, ವಿನುತಾ ನಾಯ್ಕ ತೀರ್ಪುಗಾರರಾಗಿದ್ದರು.