ಫಿಫಾ ವಿಶ್ವಕಪ್ 2018: ಫಿಟ್ನೆಸ್​ಗಾಗಿ ಭಾರತದ ದೇಸಿ ಕ್ರೀಡೆ ಮೊರೆ ಹೋದ ಇಂಗ್ಲೆಂಡ್ ಫುಟ್ಬಾಲ್ ಆಟಗಾರರು  

Source: so news | By Manju Naik | Published on 17th June 2018, 7:40 PM | Sports News |

ರಷ್ಯಾದ ಆತಿಥ್ಯದಲ್ಲಿ ನಡೆಯುತ್ತಿರುವ 21ನೇ ಫುಟ್ಬಾಲ್ ಹಬ್ಬ ಅಭಿಮಾನಿಗಳನ್ನು ತನ್ನತ್ತ ಸೆಳೆದಿದೆ. ಈಗಾಗಲೇ ಲೀಗ್ ಹಂತದ ಪಂದ್ಯಗಳು ನಡೆಯುತ್ತಿದ್ದು ಬಲಿಷ್ಠ ತಂಡಗಳ ಹೋರಾಟ ಅಭಿಮಾನಿಗಳನ್ನು ರಂಚಿಸುತ್ತಿದೆ. ಹಾಗೇ ನಾಳೆ ವಿಶ್ವಕಪ್​​​ನಲ್ಲಿ ತನ್ನ ಮೊದಲ ಪಂದ್ಯವನ್ನು ಆಡುತ್ತಿರುವ ಇಂಗ್ಲೆಂಡ್ ತಂಡ ಫಿಟ್ನೆಸ್​ಗಾಗಿ ಭಾರತದ ದೇಸಿ ಕ್ರೀಡೆಯ ಮೊರೆ ಹೋಗಿದೆ.
‘ಜಿ’ ಗುಂಪಿನಲ್ಲಿ ಸ್ಥಾನ ಪಡೆದಿರುವ ಬಲಿಷ್ಠ ಇಂಗ್ಲೆಂಡ್ ತಂಡ ನಾಳೆ ಟುನಿಶಿಯಾ ಸವಾಲನ್ನು ಸ್ವೀಕರಿಸಲಿದೆ. ಆದರೆ ಅದಕ್ಕೂ ಮೊದಲು ಇಂಗ್ಲೆಂಡ್ ​​ ಫುಟ್ಬಾಲ್ ತಂಡ ವಿಭಿನ್ನ ರೀತಿಯಲ್ಲಿ ಅಭ್ಯಾಸಕ್ಕಿಳಿದಿದೆ. ತನ್ನ ಮೊದಲ ಪಂದ್ಯವನ್ನು ಆಡಲು ಫಿಟ್ನೆಸ್​ಗಾಗಿ ಇಂಗ್ಲೆಂಡ್ ತಂಡ, ಭಾರತದ ಅತ್ಯಂತ ಪುರಾತನ ಕ್ರೀಡೆ ಕಬಡ್ಡಿ ಆಡುವ ಮೂಲಕ ಗಮನ ಸೆಳೆಯುತ್ತಿದೆ. ಸ್ಟಾರ್ ಆಟಗಾರರಾದ ಹ್ಯಾರಿ ಕೇನ್, ಡ್ಯಾನಿ ವೆಲ್‌ಬೆಕ್, ಗ್ಯಾರಿ ಕಹಿಲ್, ಜೆಸ್ಸಿ ಲಿಂಗಾರ್ಡ್ ಸಹಿತ ಹಲವರು ಅಭ್ಯಾಸದ ವೇಳೆ ಕಬಡ್ಡಿ ಆಡಿ ಸಂಭ್ರಮಿದ್ದಾರೆ. ಇಂಗ್ಲೆಂಡ್ ಕೋಚ್ ಗಾರೆತ್ ಸೌತ್‌ಗೇಟ್ ಹೊಸತನದ ಮೂಲಕ ಇಂಗ್ಲೆಂಡ್ ಪಾಳಯದಲ್ಲಿ ಹುರುಪು ಮೂಡಿಸುತ್ತಿದ್ದಾರೆ.
ಒಟ್ಟಿನಲ್ಲಿ ಇಂಗ್ಲೆಂಡ್​ ತಂಡ ವಿಭಿನ್ನ ರೀತಿಯಲ್ಲಿ ನಾಳಿನ ಪಂದ್ಯಕ್ಕೆ ಸಜ್ಜಾಗುತ್ತಿದ್ದು, ಟುನಿಶಿಯಾ ವಿರುದ್ಧ ಸೆಣಸಾಡುವ ಮೂಲಕ ತನ್ನ ವಿಶ್ವಕಪ್ ಅಭಿಯಾನ ಆರಂಭಿಸಲಿದೆ.

Read These Next

ಹ್ಯಾಮರ್ ಥ್ರೋ; ಇಸ್ಲಾಮಿಯಾ ಆಂಗ್ಲೋ ಉರ್ದು ಪ್ರೌಢಶಾಲೆ ವಿದ್ಯಾರ್ಥಿ ರಾಷ್ಟ್ರಮಟ್ಟಕ್ಕೆ ಆಯ್ಕೆ

ಭಟ್ಕಳ: ಮಂಡ್ಯ ಜಿಲ್ಲೆಯ ಆದಿಚುಂಚನಗಿರಿಯಲ್ಲಿ ಬುಧವಾರ ನಡೆದ ಪ್ರೌಢಶಾಲಾ ವಿದ್ಯಾರ್ಥಿಗಳ ರಾಜ್ಯಮಟ್ಟದ ಅಥ್ಲೆಟಿಕ್ಸ್ ನಲ್ಲಿ ...

ಕ್ರೀಡಾ ಚಟುವಟಿಕೆಗಳಲ್ಲಿ ವಿದ್ಯಾರ್ಥಿಗಳು ಆಸಕ್ತಿ ವಹಿಸುವಂತೆ ಕ್ಷೇತ್ರಶಿಕ್ಷಣಾಧಿಕಾರಿ ಕರೆ

ಭಟ್ಕಳ:  ವಿದ್ಯಾರ್ಥಿಗಳು  ಪಟ್ಯಪುಸ್ತಕದ ಜತೆಗೆ ಪಠ್ಯೇತರ ಚಟುವಟಿಕೆಗಳಲ್ಲಿ ಆಸಕ್ತಿ ವಹಿಸಿದ್ದಲ್ಲಿ ವಿದ್ಯಾರ್ಥಿಗಳ ಸರ್ವಾಂಗೀಣ ...