ದುಬೈ, ಸೆ 23: ಆರನೆಯ ಆವೃತ್ತಿಯ ಬಿಪಿಎಲ್ 2017 (Bhatkal Premier League (BPL) ಟಿ ಟ್ವೆಂಟಿ ಲೆದರ್ ಬಾಲ್ ಕ್ರಿಕೆಟ್ ಪಂದ್ಯಾವಳಿಯನ್ನು ಜನವರಿ 27ರಂದು ಪ್ರಾರಂಭಿಸಲಾಗುವುದು. ಈ ಪಂದ್ಯಾವಳಿ ಒಟ್ಟು ಐದು ದಿನಗಳ ಕಾಲ ನಡೆಯಲಿದ್ದು ಫೈನಲ್ ಫೆ. 24 ರಂದು ನಡೆಯಲಿದೆ. ಈ ಎಲ್ಲಾ ಪಂದ್ಯಗಳು ಓವಲ್ ಫೈರ್ ಗ್ರೌಂಡ್ ಅಜ್ಮಾನ್ ನಲ್ಲಿ ನಡೆಯಲಿವೆ. ಈ ಸ್ಥಳದಲ್ಲಿ ಇದು ಎರಡನೆಯ ಬಾರಿ ನಡೆಯುತ್ತಿದೆ.
ಹಿಂದಿನ ವರ್ಷದ ನಾಲ್ಕು ತಂಡಗಳನ್ನು ಈಗಾಗಲೇ ಆಯ್ಕೆ ಮಾಡಲಾಗಿದ್ದು ಇತರ ತಂಡಗಳ ಆಯ್ಕೆ ಇನ್ನಷ್ಟೇ ನಡೆಯಬೇಕಾಗಿದೆ. ಹೊಸ ತಂಡಗಳು ನವೆಂಬರ್ ನಾಲ್ಕರಿಂದ ನೋಂದಾಯಿಸಿಕೊಳ್ಳಬಹುದು. ಕಡೆಯ ದಿನಾಂಕ ನವೆಂಬರ್ 25. ಈ ವಿಷಯಗಳನ್ನು ಬಿಪಿಎಲ್ ಚೇರ್ಮನ್ನರಾದ ಅತೀಖುರ್ ರಹ್ಮಾನ್ ಮುನೀರಿಯವರು ಭಟ್ಕಳದ ರಾಯಲ್ ಓಕ್ ಹೋಟೆಲಿನಲ್ಲಿ ನಡೆದ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದರು.
ಹಿಂದಿನ ಪಂದ್ಯಾವಳಿಗಳು ಅತ್ಯಂತ ರೋಚಕವಾದಿದ್ದು ಈ ವರ್ಷದ ಪಂದ್ಯಾವಳಿಯನ್ನು ಇನ್ನಷ್ಟು ರೋಚಕವಾಗಿಸಲು ಸಿದ್ದತೆಗಳು ನಡೆಯುತ್ತಿವೆ. ಈ ಪಂದ್ಯಗಳಲ್ಲಿ ಭಾಗವಹಿಸಲು ಇಡಿಯ ಯು.ಎ.ಇ.ಯಲ್ಲಿ ಉದ್ಯೋಗದಲ್ಲಿರುವ ಭಟ್ಕಳದ ಯುವಜನತೆ ಉತ್ಸುಕತೆ ತೋರುತ್ತಿದೆ ಎಂದು ತಿಳಿಸಿದ್ದಾರೆ.
ಈ ಸಂದರ್ಭದಲ್ಲಿ ಭಟ್ಕಳ ಮುಸ್ಲಿಂ ಯೂಥ್ ಫೆಡರೇಶನ್ ಪ್ರಧಾನ ಕಾರ್ಯದರ್ಶಿ ಮೌಲಾನಾ ಇರ್ಫಾನ್ ಎಸ್. ಎಂ. ನದ್ವಿ. ತಾಹಾ ಮುಅಲ್ಲಿಮ್, ಇರ್ಶಾದ್ ರುಕ್ನುದ್ದೀನ್, ಮೊಹಮ್ಮದ್ ಇಮ್ರಾನ್ ಖತೀಬ್, ಅಬ್ದುಲ್ ಬಾಸಿತ್ ಸುಬೇದಾರ್, ಫೈಯಾಜ಼್ ಉದ್ಯಾವರ್ ಸಹಿತ ಹಲವು ಗಣ್ಯರು ಉಪಸ್ಥಿತರಿದ್ದರು.