ಮಗುವನ್ನು ಕತ್ತು ಹಿಸುಕಿ ಕೊಂದ ತಾಯಿ

Source: S O News service | By sub editor | Published on 16th January 2017, 10:40 PM | State News | Special Report | Incidents | Don't Miss |

ಚಿಂತಾಮಣಿ: ನಗರದ ವಿನೋಭಾ ಕಾಲೋನಿಯ ನಿವಾಸಿ ಹಾಲಿ ಗಾಂಧಿನಗರ ಬಡಾವಣೆಯ ನಿವಾಸಿ ತಿರುಮಲ್ಲಮ್ಮ ಎಂಬಾಕೆ ಹೆತ್ತ ೪ ವರ್ಷದ ಗಂಡು ಮಗುವನ್ನು ಕತ್ತು ಹಿಸುಕಿ ಕೊಂದು ಶವವನ್ನು ನಗರದ ಹೊರವಲಯದ ಮಾಳಪಲ್ಲಿ ಕೆರೆಯ ಅಂಗಳದಲ್ಲಿ ಹೂತಿರುವ ಘಟನೆ ನಡೆದಿದೆ.
ನಗರದ ಎಂ.ಜಿ.ರಸ್ತೆಯಲ್ಲಿರುವ ತಪತೇಶ್ವರ ಕಾಲೋನಿಯಲ್ಲಿ ವಾಸವಾಗಿದ್ದ ಯುವಕ ನೊಬ್ಬನನ್ನು ತಿರುಮಲ್ಲಮ್ಮ ಮದುವೆಯ ಮುಂಚೆಯೇ ೨೦೧೧ ರಲ್ಲಿ ಪ್ರೀತಿಸಿದ್ದ ಆಕೆಯ ನಡತೆ ಚೆನ್ನಾಗಿದೆ ಇರುವುದನ್ನು ತಿಳಿದ ನಂತರ ಮದುವೆಯಾಗಲು ನಿರಕಾರಿಸಿದ್ದರಿಂದ ಈವಿಷಯ ನಗರ ಠಾಣೆಯ ಮೆಟ್ಟಿಲೇರಿದ್ದು ಠಾಣೆಯಲ್ಲಿ ಹೂವಿನ ಹಾರಗಳು ಬದಲಾವಣೆ ಮಾಡುವ ಮೂಲಕ ಹಿರಿಯರು ಮದುವೆ ಮಾಡಿಸಿದ್ದರು.
ಮದುವೆಯಾಗಿ ಒಂದು ಮಗುವಾದ ನಂತರವೂ ತಿರುಮಲ್ಲಮ್ಮ ತನ್ನ ನಡತೆಯನ್ನು ಸರಿಪಡಿಸಿಕೊಳ್ಳದೆ ಮುಂದುವರೆಸಿದ್ದರಿಂದ ಕುಪಿತಗೊಂಡ ಆತ ಕೊನೆಗೂ ಆಕೆಯಿಂದ ವಿಛೇ ದನವನ್ನು ಪಡೆದುಕೊಂಡು ಬೇರೆ ಮದುವೆಯಾಗಿ ಸುಖ ಸಂಸಾರ ನಡೆಸುತ್ತಿದ್ದಾನೆ. 
ಆದರೆ ತಿರುಮಲಮ್ಮ ಮುರಳಿ ಎಂಬುವನ ಜೊತೆ ಅಕ್ರಮ ಸಂಬಂಧನ್ನು ಇರಿಸಿಕೊಂಡಿ ದ್ದು ಅವರಿಗೆ ಇದೀಗ ಒಂದು ವರ್ಷ ಐದು ತಿಂಗಳು ಹೆಣ್ಣು ಮಗು ಸಹ ಆಗಿದೆ, ಮೊದಲ ಮಗ ಸಿದ್ದಾರ್ಥನನ್ನು ವಿನೋಭಾ ಕಾಳೋನಿಯಲ್ಲಿರುವ ತನ್ನ ತಾಯಿಯ ಮನೆಯಲ್ಲಿ ಬಿಟ್ಟಿ ದ್ದಳು ಇತ್ತೀಚೆಗೆ ಮಗ ನನ್ನು ತಾಯಿ ಮನೆಯಿಂದ ವಾಪಸ್ಸು ಕರೆದುಕೊಂಡು ಬಂದು ತನ್ನ ಬಳಿಯೇ ಇರಿಸಿಕೊಂಡಿದ್ದಳು ಎನ್ನಲಾಗಿದೆ. 
ಕಾಣೆಯಾದ ಬಗ್ಗೆ ದೂರು:-೨೦೧೬ ಡಿಸೆಂಬರ್ ೩೧ ರಂದು ತಿರುಮಲ್ಲ ನಗರಠಾಣೆಗೆ ದೂರು ಸಲ್ಲಿಸಿ ನನ್ನ ೪ವರ್ಷದ ಮಗ ಸಿದ್ದಾರ್ಥ ಡಿಸೆಂಬರ್ ೨೧ ರಿಂದ ಕಾಣೆಯಾಗಿದ್ದಾನೆ ಎಂದು ದೂರಿ ಅಕ್ರಮ ಸಂಬಂಧ ಇರಿಸಿಕೊಂಡಿದ್ದ ಮುರಳಿ ಜೊತೆ ದೂರು ನೀಡಿದ್ದರು ದೂರು ಸ್ವೀಕರಿಸಿ ಪ್ರಕರಣ ದಾಖಲು ಮಾಡಿಕೊಂಡು ಪೊಲೀಸ್ ಇನ್ಸ್‌ಪೆಕ್ಟರ್ ಹನುಂತಪ್ಪ ಮಗು ಪತ್ತೆಗಾಗಿ ಕ್ರಮ ಕೈಗೊಂಡಿದ್ದರು. 
ಕಾಣೆಯಾದ ಮಗು ಮೊದಲು ವಾಸವಾಗಿದ್ದ ತಿರುಮಲಮ್ಮ ಪೋಷಕರನ್ನು ವಿಚಾರಣೆ ಮಾಡಿದಾಗ ಅವರು ಮಗಳೇ ಏನು ಮಾಡಿರಬಹುದೆಂದು ಶಂಕೆ ವ್ಯಕ್ತಪಡಿಸಿದ ನಂತರ ಪೊಲೀಸರು ಪ್ರಕರಣಕ್ಕೆ ಸ್ವಲ್ಪ ಚುರುಕು ಮಟ್ಟಿಸಿದಾಗ ನಗರದ ಹೊರವಲಯದ ಮಾಳಪಲ್ಲಿ ಕೆರೆಯಲ್ಲಿ ಬಟ್ಟೆ ಹೊಗೆಯಲಿಕ್ಕೆ ಹೋದಾಗ ಮಗು ನೀರಿನಲ್ಲಿ ಅಕಸ್ಮಿಕವಾಗಿ ಇಳಿದು ಮುಳು ಗಿದ ಆತನನ್ನು ಮೇಲೆಕ್ಕೆ ಎತ್ತಲು ಹೋದಾಗ ಮಣ್ಣಿನ ಹೂಳು ಜಾಸ್ತಿಯಾಗಿದ್ದರಿಂದ ರಕ್ಷಣೆ ಮಾಡಲಿಕ್ಕೆ ಆಗಲಿಲ್ಲ ಎಂದು ಬಾಯಿ ಬಿಟ್ಟಿದ್ದಳು.


ಕೊಲೆ ರಹಸ್ಯ ಬಯಲು: ತಿರುಮಲಮ್ಮ ವಶಕ್ಕೆ ತೆಗೆದುಕೊಂಡ ನಗರಠಾಣೆ ಪೊಲೀಸರು ಆಕೆಯನ್ನು ಚಿಕ್ಕಬಳ್ಳಾಪುರದ ಮಹಿಳಾ ಸಾಂತ್ವನ ಕೇಂದ್ರದಲ್ಲಿ ಇರಿಸಿ ವಿಚಾರಣೆ ನಡೆಸಿದಾಗ ೨೦೧೬ ಡಿಸೆಂಬರ್ ೨೧ ರಂದು ರಾತ್ರಿ ಮನೆಯಲ್ಲಿ ಕತ್ತು ಹಿಸುಕಿ ಕೊಲೆ ಮಾಡಿದ ನಂತರ ಶವವನ್ನು ನಗರದ ಹೊರವಲಯದ ಮಾಳಪಲ್ಲಿ ಕೆರೆಯ ಅಂಗಳದಲ್ಲಿರುವ ಗುಂಡಿಯೊಂದ ರಲ್ಲಿ ಮಣ್ಣು ತೆಗೆದು ಅದರಲ್ಲಿ ಹೂತು ಹಾಕಿರುವುದಾಗಿ ಹೇಳಿದ್ದಾಳೆ.
ಸಿಗದ ಮಗುವಿನ ಶವ : ಚಿಂತಾಮಣಿ ಉವಿಭಾಗದ ಡಿವೈ‌ಎಸ್‌ಪಿ ಜಿ.ಕೃಷ್ಣಮೂರ್ತಿ, ನಗರ ಠಾಣೆ ಪೊಲೀಸ್ ಇನ್ಸ್‌ಪೆಕ್ಟರ್ ಹನುಮಂತಪ್ಪ, ಕಾನೂನು ಸುವ್ಯವಸ್ಥೆಯ ಪಿ‌ಎಸ್‌ಐ ಸುಂದರ್, ಅಪರಾಧ ದಳದ ಪಿ‌ಎಸ್‌ಐ ನರಸಿಂಹಮೂರ್ತಿ ಸೇರಿದಂತೆ ಹಲವು ಸಿಬ್ಬಂದಿ ಅಗ್ನಿ ಶಾಮಕ ಠಾಣಾಧಿಕಾರಿ ಸೋಮಶೇಖರ್ ಮತ್ತು ಸಿಬ್ಬಂದಿ ಹಾಗೂ ಸಾರ್ವಜನಿಕರ ಸಹಕಾರ ದೊಂದಿಗೆ ಭಾನುವಾರ ಬೆಳಿಗ್ಗೆ ೧೦ ಗಂಟೆಯಿಂದ ಮಧ್ಯಾಹ್ನ ೨ ಗಂಟೆಯವರೆವಿಗೂ ಶವಕ್ಕಾಗಿ ಹುಡುಕಾಟ ನಡೆಸಿದಾಗ ಮಗು ಧರಿಸಿದ್ದ ನಿಕ್ಕರ್ ಬಿಟ್ಟರೆ ಶವ ಅಥವಾ ಶವದ ಅವಶೇಷ ಗಳು ಸಿಗದೆ ವಾಪಸ್ಸಾದ ಘಟನೆ ನಡೆಯಿತು.


ಮಾತು ಕೇಳದಿದ್ದಕ್ಕೆ ಕೊಲೆ: ಕೊಲೆ ಮಾಡಲು ಕಾರಣ ಕೇಳಿದ ಬಗ್ಗೆ ತಿರುಮಲ್ಲಮ್ಮ ನನ್ನು ಪ್ರಶ್ನಿಸಿದಾಗ ನಮ್ಮ ಪೋಷಕರು ನನ್ನ ಜೀವನ ಹಾಳು ಮಾಡಿದ್ದಾರೆ, ನನ್ನ ಮಗನನ್ನು ಅಲ್ಲಿ ಬಿಟ್ಟಿದ್ದಾಗ ಆವನು ನನ್ನ ಮಾತನ್ನು ಕೇಳದಂತೆ ಮಾಡಿದ್ದರಿಂದ ಕುಪಿತಗೊಂಡು ಕೊಲೆ ಮಾಡಿದ್ದಾಗಿ ಹೇಳಿದ್ದಾಳೆ 
ಮುರಳಿ ಮೇಲೆ ಅನುಮಾನ: ಮೊದಲ ಮಗು ಬೇರೆಯ ವರಿಗೆ ಹುಟ್ಟಿದ ಕಾರಣ ಆ ಮಗುವನ್ನು ಮುರಳಿ ಮತ್ತು ತಿರಮಲಮ್ಮ ಸೇರಿ ಕೊಲೆ ಮಾಡಿದ ನಂತರ ಶವವನ್ನು ಮರೆ ಮಾಚಿ ಕೊಲೆಯನ್ನು ಮರೆ ಮಾಚಲು ಮಗು ಕಾಣಿಯಾಗಿರುವ ಬಗ್ಗೆ ದೂರು ನೀಡಿರಬಹು ದೆಂದ ಶಂಖೆ ವ್ಯಕ್ತಪಡಿಸಿದ್ದಾರೆ. ಮುರಳಿ ವಿಚಾರಣೆ ನಡೆಸಲು ಮುಂದಾಗಿದ್ದು ಆತ ಇದೀಗ ಪರಾರಿಯಾಗಿದ್ದು ಮೊಬೈಲ್ ಸಹ ಸ್ವಿಚ್ ಆಫ್ ಆಗಿದೆ. 
ಕೊಲೆ ಪ್ರಕರಣ ದಾಖಲು:-ತನ್ನ ೪ವರ್ಷದ ಮಗು ಸಿದ್ದಾರ್ಥನನ್ನು ನಾನೇ ಕೊಲೆ ಮಾಡಿರುವುದಾಗಿ ಮತ್ತು ಶವವನ್ನು ಕೆರೆಯಲ್ಲಿ ನಾನೇ ಹೂತು ಹಾಕಿರುವುದಾಗಿ ಹೇಳಿದ್ದ ಹಿನ್ನೆಲೆಯಲ್ಲಿ ನಗರಠಾಣೆ ಪೊಲೀಸರು ಭಾನುವಾರ ಸಂಜೆ ಆಕೆಯ ವಿರುದ್ದು ಕೊಲೆ ಪ್ರಕರಣ ದಾಖಲು ಮಾಡಿಕೊಂಡು ಇಲ್ಲಿನ ನ್ಯಾಯಾಲಯದಲ್ಲಿ ಹಾಜರು ಪಡಿಸಿದಾಗ ನ್ಯಾಯಾಧೀಶರು ಅರೋಪಿಯನ್ನು ನ್ಯಾಯಾಂಗ ಬಂಧನಕ್ಕೆ ಅದೇಶಿದಿದಾರೆ. 

Read These Next

ಶುಕ್ರವಾರದ ನಮಾಝ್ ನಲ್ಲಿ ಮುಸ್ಲಿಮ್ ಸಮುದಾಯದಿಂದ ಹುತಾತ್ಮ ಯೋಧರಿಗಾಗಿ ವಿಶೇಷ ಪ್ರಾರ್ಥನೆ ​​​​​​​

ಉಡುಪಿ: ಕಾಶ್ಮೀರದ ಪುಲ್ವಾಮ ಜಿಲ್ಲೆಯ ಅವಂತಿಪೋರದಲ್ಲಿ ಭಯೋತ್ಪಾದಕ ದಾಳಿಯಲ್ಲಿ ಹುತಾತ್ಮರಾದ ಯೋಧರಿಗಾಗಿ ಗಂಗೊಳ್ಳಿ ...

ರಾಷ್ಟ್ರೀಯ ಹೆದ್ದಾರಿ ಅಗಲೀಕರಣದಿಂದಾಗಿ ಭಟ್ಕಳದಿಂದ ಕಾಲು ಕೀಳಲು ಸಿದ್ಧವಾಗಿರುವ ದೂರದರ್ಶನ ಕೇಂದ್ರ..?

ಭಟ್ಕಳ: ಪ್ರಸಕ್ತ ಕಾಲಘಟ್ಟದಲ್ಲಿ ಭಟ್ಕಳ ಎಂಬ ಪುಟ್ಟ ಊರು ಬೆಳೆದು ನಿಂತಿದೆ. ಅಂತರಾಷ್ಟ್ರೀಯ ಆವಿಷ್ಕಾರಗಳನ್ನು ಕಾಣುವ ತವಕ ...

ಉತ್ತರಪ್ರದೇಶದಲ್ಲಿ ವಿರೋಧ ಪಕ್ಷಗಳ ಚುನಾವಣಾ ರಣತಂತ್ರಉತ್ತರಪ್ರದೇಶದಲ್ಲಿ ವಿರೋಧ ಪಕ್ಷಗಳ ಚುನಾವಣಾ ರಣತಂತ್ರ

ಇತ್ತೀಚೆಗೆ ಉತ್ತರಪ್ರದೇಶದಲ್ಲಿ ನಡೆದ ಬೆಳವಣಿಗೆಗಳು ಕೇಂದ್ರದಲ್ಲಿ ಹಾಲೀ ಅಧಿಕಾರದಲ್ಲಿರುವ ಪಕ್ಷದ ಆಳ್ವಿಕೆಯ ವಿರುದ್ಧ ...

ಹವಾಮಾನ ಬದಲಾವಣೆ ಮತ್ತು ಬಡವರು

ಹವಾಮಾನ ಬದಲಾವಣೆಯು ಒಂದು ತುರ್ತುಸ್ಥಿತಿಯನ್ನೇ ಸೃಷ್ಟಿಸಿದ್ದು ಈ ಭೂಮಿಗೆ ಮತ್ತು ಇದರ ಮೇಲೆ ವಾಸಿಸುತ್ತಿರುವ ಮಾನವ, ಸಸ್ಯ ಮತ್ತು ...

ಸಾವಿನ ಕೂಪ ದ ಲ್ಲಿ ಗಣಿಗಾರಿಕೆ

ಮೇಘಾಲಯದಲ್ಲಿ ಇತ್ತೀಚೆಗೆ ಸಂಭವಿಸಿದ ಗಣಿಕಾರ್ಮಿಕರ ಸಾವುಗಳು ಸಬ್ ಕಾ ಸಾಥ್, ಸಬ್ ಕಾ ವಿಕಾಸ್ ಎಂಬ ಘೋಷಣೆಯ ಪ್ರತಿಪಾದಕರಿಗೆ ನಾಚಿಕೆ ...

ಕೂರ್ಮಗಡ ದೋಣಿ ದುರಂತ; ಇದುವರೆಗೆ ೧೪ ಮೃತದೇಹ ಪತ್ತೆ;  ೧೯ ಜನರ ರಕ್ಷಣೆ; ಇಬ್ಬರ ಮೃತದೇಹಕ್ಕಾಗಿ ಶೋಧ

ಕಾರವಾರ: ೨೦೧೯ನೇ ವರ್ಷದ ಆರಂಭದಲ್ಲೇ ಉತ್ತರಕನ್ನಡ ಜಿಲ್ಲೆಯ ಕೂರ್ಮಗಡ ದೋಣಿ ದುರಂತ ಅತ್ಯಂತ ಭಯಾನಕವಾಗಿದ್ದು ೧೬ಮಂದಿಯನ್ನು ...

ಗೊಂದಲಗಳ ನಡುವೆ ಮುಂದೂಡಲ್ಪಟ್ಟ ಪುರಸಭೆ ವ್ಯಾಪ್ತಿಯ ವಿವಿಧ ಮಾರುಕಟ್ಟೆಗಳ ಹರಾಜು ಪ್ರಕ್ರಿಯೆ

ಭಟ್ಕಳ: ಇಲ್ಲಿನ ಪುರಸಭೆ ಅಧ್ಯಕ್ಷ ಮುಹಮ್ಮದ್ ಸಾದಿಕ್ ಮಟ್ಟಾ ರವರ ಅಧ್ಯಕ್ಷತೆಯಲ್ಲಿ ಪುರಸಭೆ ವ್ಯಾಪ್ತಿಯ ವಿವಿಧ ಮಾರ್ಕೇಟಗಳ ಹರಾಜು ...

ಉ.ಕ.ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದಿಂದ ಅರಣ್ಯ ಪರಿಸ್ಥಿತಿ ಕುರಿತ ರಾಜ್ಯ ಮಟ್ಟದ ವಿಚಾರ ಸಂಕೀರಣ

ಭಟ್ಕಳ: ಪರಿಸರ ಪರಿಸ್ಥಿತಿ, ಸಂರಕ್ಷಣೆ, ಸವಾಲು ಹಾಗೂ ಪರಿಹಾರದ ಬಗ್ಗೆ ಹಮ್ಮಿಕೊಂಡಿದ್ದ ಕಾರ್ಯಾಗಾರದಿಂದ ಜನರು ತಮ್ಮಲ್ಲಿನ ಪರಿಸರದ ...