ವಾಜಪೇಯಿಯವರು ಭಟ್ಕಳಕ್ಕೆ ಬಂದ ಅನುಭವಗಳನ್ನು ಹಂಚಿಕೊಂಡ ಎ.ಎನ್. ಪೈ

Source: sonews | By sub editor | Published on 17th August 2018, 6:27 PM | Coastal News | State News | Don't Miss |

ಭಟ್ಕಳ: ಅಜಾತಶತ್ರು ಮಾಜಿ ಪ್ರಧಾನಿ ಅಟಲ್‍ಜಿ ಯವರು 1987ರಲ್ಲಿ ಭಟ್ಕಳಕ್ಕೆ ಭೇಟಿ ನೀಡಿದ್ದ ಸಂದರ್ಭದ ತಮ್ಮ ಅನುಭವಗಳನ್ನು ಇಲ್ಲಿನ ಬಿಜಪಿ ಮಾಜಿ ಅಧ್ಯಕ್ಷ ಮುಖಂಡ ಅನಂತ್ ಪೈಯವರು ವಾರ್ತಾಭಾರತಿಯೊಂದಿಗೆ ಹಂಚಿಕೊಂಡಿದ್ದು ಅವರೊಬ್ಬ ಮಹಾನ್ ಮೇಧಾವಿಯಾಗಿದ್ದರು ಎಂದಿದ್ದಾರೆ.

ದಿನಾಂಕ 23-11-1987 ರಂದು ಉಡುಪಿಯ ಕಾರ್ಯಕ್ರಮವೊಂದರಲ್ಲಿ ಭಾಗವಹಿಸಲು ಅಟಲ್ ಜಿಯವರು ಹೋಗುತ್ತಿದ್ದಾಗ  ಭಟ್ಕಳದಲ್ಲಿ 20 ನಿಮಿಷಗಳ ಕಾಲ ಅವರು ತಂಗಿದ್ದು  ಚನ್ನಪಟ್ಟಣ ದೇವಾಲಯದ ಆವರಣದ ವಿನಾಯಕ ರಂಗ ಮಂಟಪದಲ್ಲಿ ಏರ್ಪಾಡಾಗಿದ್ದ ಸಭೆಯಲ್ಲಿ ಬಿಜೆಪಿಯ ಬೆಳವಣಿಗೆ ಬಗ್ಗೆ ವಾಜಪೇಯಿಯವರು ಭಾಷಣ ಮಾಡಿದ್ದರು. ಆ ಕಾರ್ಯಕ್ರಮದಲ್ಲಿ ತಾವು ವಂದನಾರ್ಪಣೆ ಮಾಡಿದ್ದಾಗಿ ಅವರು ಸ್ಮರಿಸಕೊಂಡರು.

ಅಂದಿನ ಭಟ್ಕಳ ಪುರಸಭಾ ಅಧ್ಯಕ್ಷರಾದ ಡಿ. ಎಚ್ ಶಬ್ಬರ್ ಸಾಹೇಬರು ಮತ್ತು ಅಂದಿನ ಬಿಜೆಪಿ ಜಿಲ್ಲಾಧ್ಯಕ್ಷರು ಹಾಗೂ ಪುರಸಭಾ ಸದಸ್ಯರಾಗಿದ್ದ ದಿ. ಡಾ. ಚಿತ್ತರಂಜನರವರು ಮತ್ತು ಇನ್ನೋರ್ವ ಪುರಸಭಾ ಸದಸ್ಯರು ಹಾಗೂ ಬಿಜೆಪಿ ಹಿರಿಯ ನಾಯಕರಾಗಿದ್ದ ದಿ.ಎನ್. ಜಿ. ಕೊಲ್ಲೆ ಯವರು ವಾಜಪೇಯಿಯವರನ್ನು ಭಟ್ಕಳದ  ಶಮ್ಸುದ್ದೀನ್ ವೃತ್ತದಲ್ಲಿ ಸ್ವಾಗತಿಸಿದ್ದರು. ಆಂದು ಪೊಲೀಸ್ ಅಧಿಕಾರಿ ಪೆಮ್ಮಯ್ಯ ಎಂಬುವವರ ಶಿಸ್ತಿನ ಸೆಲ್ಯೂಟ್ ಗೆ ಮಾರು ಹೋದ ವಾಜಪೇಯಿಯವರು ಪೊಲೀಸ್ ಅಧಿಕಾರಿಯ ಕೈಕುಲುಕಿ ಅವರನ್ನು ಅಭಿನಂಧಿಸಿದ್ದರು ಎಂದು ಸ್ಮರಿಸಿಕೊಂಡರು. 

ಶಿರಾಲಿಯ ಅಂದಿನ ಖ್ಯಾತ ವರ್ತಕರಾಗಿದ್ದ ದಿ.ಭಾಸ್ಕರ್ ಮಹಾಲೆಯವರು ವಾಜಪೇಯಿಯರೊಂದಿಗೆ ಮಾಡಿದ ಸಂಭಾಷನೆಯನ್ನು ಎ.ಎನ್.ಪೈ ಸ್ಮರಿಸಿಕೊಂಡಿದ್ದು ಹೀಗೆ. 
 

ಭಾಸ್ಕರ ಮಹಾಲೆ-  ಮೈ.....ಆಪ್ ಪ್ರಧಾನಮಂತ್ರಿ ಬನನಾ ದೆಖನಾ ಚಾಹತಾ ಹು.
ವಾಜಪೇಯಿಜಿ-  ಮೆರೆಕೊ ಉಮ್ಮಿದ್ ನಹಿ ಹೈ...... ಮೈಏಕ್ ಮಾಸ್ಟರ್ ಜಿ ಕಾ ಬೆಟಾ ಹು..... ದೇಶ್ ಕಾ ಸೇವಾ ಕರನೆ ಆಯಾ ಹು.
ಮಹಾಲೆ-  ಮೆರೆಕೊ ಉಮ್ಮಿದ್ ಹೈ..... ಆಪ್ ಏಕ್ ನ ಏಕ್ ದಿನ್ ಇಸ್ ದೇಶ ಕಾ ಪ್ರಧಾನಮಂತ್ರಿ ಬನೆಗಾ.

ಶಿರಾಲಿಯ ಭಾಸ್ಕರ ಮಹಾಲೆಯವರು ಅಂದು ಹೇಳಿದ್ದ ಮಾತು ಕಾಲಾನಂತರ ನಿಜವಾಗಿ ಈಗ ಇತಿಹಾಸವಾಗಿದೆ........... ವಾಜಪೇಯಿಯವರ ನೆನಪು ನಮ್ಮೆಲ್ಲರ ಮನದಲ್ಲಿ ಶಾಶ್ವತವಾಗಿದೆ ಎನ್ನುತ್ತಾರೆ. 

Read These Next

ಪಿ.ಯು.ಕಾಲೇಜ್ ಸಹಪಠ್ಯ ಚಟುವಟಿಕೆ; ಇಂಗ್ಲಿಷ್ ಚರ್ಚಾ ಸ್ಪರ್ಧೆಯಲ್ಲಿ ಶಿಹಾಬುದ್ದೀನ್ ಪ್ರಥಮ

ಭಟ್ಕಳ: ಪದವಿ ಪೂರ್ವ ಶಿಕ್ಷಣ ಇಲಾಖೆ ಹಮ್ಮಿಕೊಂಡ ತಾಲೂಕಾ ಮಟ್ಟದ ಸಾಂಸ್ಕತಿಕ ಸಹ ಪಠ್ಯೇತರ ಚಟುವಟಿಕೆಗಳ ಸ್ಪರ್ಧೆಗಳಲ್ಲಿ ದಿ.ನ್ಯೂ ...

ಪಿ.ಯು.ಕಾಲೇಜ್ ಸಹಪಠ್ಯ ಚಟುವಟಿಕೆ; ಇಂಗ್ಲಿಷ್ ಚರ್ಚಾ ಸ್ಪರ್ಧೆಯಲ್ಲಿ ಶಿಹಾಬುದ್ದೀನ್ ಪ್ರಥಮ

ಭಟ್ಕಳ: ಪದವಿ ಪೂರ್ವ ಶಿಕ್ಷಣ ಇಲಾಖೆ ಹಮ್ಮಿಕೊಂಡ ತಾಲೂಕಾ ಮಟ್ಟದ ಸಾಂಸ್ಕತಿಕ ಸಹ ಪಠ್ಯೇತರ ಚಟುವಟಿಕೆಗಳ ಸ್ಪರ್ಧೆಗಳಲ್ಲಿ ದಿ.ನ್ಯೂ ...