ಭಟ್ಕಳ: ಬೆಂಗಳೂರಿನ  ರಿಝರ್ವ ಬ್ಯಾಂಕ  ವಿದೇಶಿ ವಿನಿಮಯ ವಿಭಾಗದವರು ಅಂತಿಮ ವರ್ಷದ ಡಿಪ್ಲೋಮಾ ಹಾಗೂ ಬಿ.ಕಾಂ. ವಿದ್ಯಾರ್ಥಿಗಳಿಗೆ “ವಿದೇಶಿ ವಿನಿಮಯ ನಿಮಗಾಗಿ” ಎಂಬ ಕಾರ್ಯಗಾರವನ್ನು ಜ. 18 ಗುರುವಾರ ಮುರುಡೇಶ್ವರದ ಆರ್.ಎನ್.ಎಸ್. ರೆಸಿಡೆನ್ಸಿ ಬ್ಯಾಂಕ್ವೆಟ್ ಹಾಲಿನಲ್ಲಿ ಬೆಳ್ಳಿಗ್ಗೆ 10.00 ರಿಂದ 04.00 ವರೆಗೆ ನಡೆಸಿ ಕೊಡಲಿದ್ದಾರೆ.
ರಿಝರ್ವ ಬ್ಯಾಂಕಿನ ವಿಭಾಗ ನಿರ್ದೇಶಕ ಯುಜಿನ ಇ ಕಾರ್ತಕ ರವರು ಅಧ್ಯಕ್ಷತೆ ವಹಿಸಿ ಕೊಳ್ಳುವರು. ಶೈಲಾ ಎ. ಜೆ. ವಲಯ ವ್ಯವಸ್ಥಾಪಕರು ಸಿಂಡಿಕೇಟ್ ಬ್ಯಾಂಕ್  ಕಾರವಾರ, ಇವರು ಮುಖ್ಯ ಅತಿಥಿಗಳಾಗಿ ಭಾಗವಹಿಸುವರು.   ಆರ್.ಎನ್. ಎಸ್. ಶಿಕ್ಷಣ ಸಂಸ್ಥೆ ನಿರ್ದೇಶಕರಾದ ಎಮ್.ವಿ. ಹೆಗಡೆ ಅತಿಥಿಗಳಾಗಿರುತ್ತಾರೆ.
ವಿದ್ಯಾರ್ಥಿಗಳಿಗೆ ವಿದೇಶಿ ವಿನಿಮಯ, ವಿದೇಶಿ ಬಂಡವಾಳ ಹೂಡಿಕೆ, ಅಯಾತ & ಹಾಗೂ ನಿರ್ಯಾತ , ವಿದೇಶಿ ವಿನಿಮಯದ ಸೌಲಭ್ಯಗಳು ಹಾಗೂ ವಿದ್ಯಾರ್ಥಿಗಳೊಡನೆ ಸಂವಾದ ಕಾರ್ಯಾಗಾರವನ್ನು  ರಿಝರ್ವ ಬ್ಯಾಂಕಿನ ಅಧಿಕಾರಿಗಳು ನಡೆಸಿ ಕೊಡಲಿದ್ದಾರೆ.