ಭಟ್ಕಳ, ಸೆ ೨೪: ಭಟ್ಕಳ ತಾಲೂಕು ಈಗ ಕೇವಲ ಮಲ್ಲಿಗೆಯ ಪಟ್ಟಣವಾಗದೇ ಕೆಲವು ತಿಂಗಳಿನಿಂದ ಬ್ರಹ್ಮ ಕಮಲದ ಊರಾಗಿಯೂ ಸಹ ಬೆಳಕಿಗೆ ಬಂದಿದೆ. ಇದಕ್ಕೆ ಮತ್ತೊಂದು ಉದಾಹರಣೆ ತಾಲೂಕಿನ ಗುಳ್ಮಿ ರಸ್ತೆಯಲ್ಲಿನ ನಿವಾಸಿಯಾದ ತುಳಸಿದಾಸ ಪ್ರಭು ಮನೆಯಲ್ಲಿ ಬ್ರಹ್ಮ ಕಮಲ ಹೂವು ಅರಳಿದೆ. ಸ್ವರ್ಗಲೋಕದ ಹೂವೆಂದೆ ಹೆಸರು ಪಡೆದಿರುವ  ಈ ವಿಶೇಷ ಬ್ರಹ್ಮ ಕಮಲ ಅರಳಿದ್ದು, ಈ ಹೂವು ಅದೃಷ್ಟ ತರುತ್ತದೆಂಬ ಮಾತ ಸಹ ಇದೆ. ಶುಕ್ರವಾರದಂದು ರಾತ್ರಿ ಒಂದೇ ಸಮಯದಲ್ಲಿ 7 ಹೂವುಗಳು ತುಳಸಿದಾಸ ಪ್ರಭು ಮನೆಯ ತೋಟದಲ್ಲಿ ಅರಳಿದ್ದು, ಮನೆ ಮಂದಿಗಷ್ಟೇ ಅಲ್ಲದೇ ಅಕ್ಕಪಕ್ಕದ ಮನೆಯವರು ಈ ಬ್ರಹ್ಮ ಕಮಲದಿಂದ ತಮಗೆ ಅದೃಷ್ಟ ಒಲಿಯಲೆಂದು ವೀಕ್ಷಣೆಗೆ ಬಂದಿರುವುದು ವಿಶೇಷವಾಗಿತ್ತು. 
“ಹೂವಿನ ವಿಶೇಷತೆಯೆನೇಂದರೆ ಇದು ಅರಳುವುದು ರಾತ್ರಿ ಹಾಗು ಅರಳಿದ ಕೆಲವು ಗಂಟೆಗಳಲ್ಲಿ ಸುವಾಸನೆ ಬೀರಿ ಮೂದುಡಿ ಹೋಗುತ್ತದೆ.”