ಭಟ್ಕಳ: ರಸ್ತೆ ಅಪಘಾತ; ಮಹಿಳೆ ಸಾವು

Source: S O News service | By sub editor | Published on 7th March 2017, 3:54 PM | Coastal News | Technology | Don't Miss |

ಭಟ್ಕಳ: ಎರಡು ಬೈಕ್ ಗಳ ನಡುವೆ ನಡೆದ ರಸ್ತೆ ಅಪಘಾತದಲ್ಲಿ ಓರ್ವ ಮಹಿಳೆ ಮೃತಪಟ್ಟಿದ್ದು ಇಬ್ಬರು ಬೈಕ್ ಚಾಲಕರಿಗೆ ಸಣ್ಣಪುಟ್ಟ ಗಾಯಗಳಾಗಿ ಆಸ್ಪತ್ರೆ ಸೇರಿದ ಘಟನೆ ಮಂಗಳವಾರ ಇಲ್ಲಿನ ಬಂದರ್ ರಸ್ತೆಯ ೩ನೇ ಕ್ರಾಸ್ ಬಳಿ ಜರಗಿದೆ. 
ಮೃತ ಮಹಿಳೆಯನ್ನು ಬಂದರ್ ರೋಡ್ ನಿವಾಸಿ ರಿಹಾನಾ ಅಶ್ಫಾಖ್ ದಾಮ್ದಾ(೪೮) ಎಂದು ಗುರುತಿಸಲಾಗಿದೆ.
ಇವರು ತಮ್ಮ ಪತಿ ಅಶ್ಫಾಖ್ ದಾಮ್ದಾರೊಂದಿಗೆ ಬೈಕ್‌ನಲ್ಲಿ ಬಂದರ್ ರೋಡ್ ಮೂರನೇ ಕ್ರಾಸ್ ದಾಟಿ ಆಸೀಯಾ ಆಸ್ಪತ್ರೆಗೆ ಹೋಗುತ್ತಿದ್ದಾಗ ಎದುರಿನಿಂದ ಅತ್ಯಂತ ವೇಗವಾಗಿ ಬಂದ ಬೈಕ್ ಡಿಕ್ಕಿ ಹೊಡೆದ ಪರಿಣಾಮ ಹಿಂಬದಿ ಸವಾರಿ ಮಾಡುತ್ತಿದ್ದ ಮಹಿಳೆ ಬೈಕ್ ನಿಂದ ಜಿಗಿದು ಬಿದ್ದಿದ್ದು ರಸ್ತೆ ಪಕ್ಕದಲ್ಲಿ ನಿಂತ ಲಾರಿಗೆ ಆಕೆಯ ತಲೆ ಜಜ್ಜಿದ್ದರಿಂದ ಬಲವಾದ ಪೆಟ್ಟು ಬಿದ್ದು ಸ್ಥಳದಲ್ಲೇ ಸಾವನ್ನಪ್ಪಿರುವುದಾಗಿ ತಿಳಿದುಬಂದಿದೆ. 
ಪತಿ ಅಶ್ಫಾಖ್ ದಾಮ್ದಾ(೫೫) ಹಾಗೂ ಎದುರು ಬೈಕ್ ಸವಾರ ದಿಗಂಬರ ಸದಾನಂದ ನಾಯ್ಕ(೧೮) ಎಂಬುವವರಿಗೆ ಚಿಕ್ಕುಪುಟ್ಟ ಗಾಯಗಳಾಗಿದ್ದು ಸ್ಥಳೀಯ ಸರ್ಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ. 
ಪ್ರಕರಣ ನಗರಪೊಲೀಸ್ ಠಾಣೆಯಲ್ಲಿ ದಾಖಲಾಗಿದೆ. 

Read These Next