40ಷರ್ವಗಳಲ್ಲಿಯೇ ೫ವರ್ಷ ಪೂರ್ಣಗೊಳಿಸಿದ ಸಿದ್ಧರಾಮಯ್ಯ ಸರ್ಕಾರದ ದಾಖಲೆ

ಬೆಂಗಳೂರು: ಐದು ವರ್ಷಗಳ ಅಧಿಕಾರ ಅವಧಿಯನ್ನು ಪೂರ್ಣಗೊಳಿಸಿದ ರಾಜ್ಯದ ಕೊನೆಯ ಮುಖ್ಯಮಂತ್ರಿ ಡಿ. ದೇವರಾಜು ಅರಸು. ಅವರ ಬಳಿಕ 40 ವರ್ಷಗಳಲ್ಲಿ ಐದು ವರ್ಷಗಳ ಅಧಿಕಾರ ಅವಧಿ ಪೂರ್ಣಗೊಳಿಸುತ್ತಿರುವವರು ಸಿದ್ದರಾಮಯ್ಯ. ಕರ್ನಾಟಕದ ವಿಧಾನ ಸಭಾ ಚುನಾವಣೆ ಮೇ 12ಕ್ಕೆ ನಡೆಯಲಿದ್ದು, ಸಿದ್ದರಾಮಯ್ಯ ಅವರ 5 ವರ್ಷಗಳ ಅಧಿಕಾರ ಅವಧಿ ಮೇ 28ರಂದು ಪೂರ್ಣಗೊಳ್ಳಲಿದೆ.

ಸಿದ್ದರಾಮಯ್ಯ 2013 ಮೇಯಲ್ಲಿ ಅಧಿಕಾರ ಸ್ವೀಕರಿಸಿದ್ದರು. ಮೇ 28ರಂದು ಅವರು 5 ವರ್ಷದ ಅಧಿಕಾರ ಅವಧಿ ಪೂರ್ಣಗೊಳಿಸಲಿದ್ದಾರೆ. ಇದರೊಂದಿಗೆ ಕಳೆದ 40 ವರ್ಷಗಳಲ್ಲಿ 5 ವರ್ಷದ ಅಧಿಕಾರ ಅವಧಿ ಪೂರ್ಣಗೊಳಿಸಿದ ಹೆಗ್ಗಳಿಕೆಗೆ ಸಿದ್ದರಾಮಯ್ಯ ಪಾತ್ರರಾಗಲಿದ್ದಾರೆ.

ಸಿದ್ದರಾಮಯ್ಯ ಅವರಂತೆ ಮೈಸೂರಿನವರೇ ಆಗಿದ್ದ ಡಿ. ದೇವರಾಜು ಅರಸು ಅವರು 5 ವರ್ಷದ ಅಧಿಕಾರ ಅವಧಿ ಪೂರ್ಣಗೊಳಿಸಿದ ರಾಜ್ಯದ ಕೊನೆಯ ಮುಖ್ಯಮಂತ್ರಿ. ಅವರು 1972ರಿಂದ 1977ರ ವರೆಗೆ ಅಧಿಕಾರ ನಡೆಸಿದ್ದರು. ಉಚ್ಛಾಟನೆಗೊಂಡ ಹಿನ್ನೆಲೆಯಲ್ಲಿ ಅರಸು ಅವರು 1980ರಲ್ಲಿ ರಾಜೀನಾಮೆ ನೀಡಿದ ಕಾರಣ ಅವರ ಎರಡನೇ ಹಂತದ ಅಧಿಕಾರಾವಧಿ ಕಡಿತಗೊಂಡಿತ್ತು. ಅವರ ಉತ್ತರಾಧಿಕಾರಿಯಾಗಿ ಆರ್. ಗುಂಡುರಾವ್ ಅಧಿಕಾರ ಸ್ವೀಕರಿಸಿದ್ದರು.

ಕರ್ನಾಟಕದ ಮುಖ್ಯಮಂತ್ರಿಗಳ ಹೆಸರನ್ನು ಈ ಕೆಳಗಿನ ಪಟ್ಟಿಯಲ್ಲಿ ಅನುಕ್ರಮವಾಗಿ ನೀಡಲಾಗಿದೆ. ಈ ಅವಧಿಯಲ್ಲಿ ಕರ್ನಾಟಕ 19 ಸರಕಾರಗಳನ್ನು ಕಂಡಿದೆ. ನಾಲ್ಕು ಅವಧಿಗಳಲ್ಲಿ ರಾಷ್ಟ್ರಪತಿ ಆಡಳಿತಕ್ಕೆ ಒಳಗಾಗಿದೆ. ಈ ಪಟ್ಟಿಯಲ್ಲಿ ಹೊರಗುಳಿಯುವ ಏಕೈಕ ಮುಖ್ಯಮಂತ್ರಿ ಎಂದರೆ ಎಂಸ್.ಎಂ. ಕೃಷ್ಣ. ಅವರು ಸ್ಥಿರ ಸರಕಾರವನ್ನು (1999-2004) ಮುಂದುವರಿಸುತ್ತಿದ್ದರೂ ಆಡಳಿತ ಅವಧಿ ಮುಗಿಯುವುದಕ್ಕೆ ಐದು ತಿಂಗಳು ಮುನ್ನವೇ ಚುನಾವಣೆ ಎದುರಿಸಲು ನಿರ್ಧರಿಸಿದ್ದರು.

►ಆರ್. ಗುಂಡುರಾವ್: ಜನವರಿ 1980 - ಜನವರಿ 1983

►ರಾಮಕೃಷ್ಣ ಹೆಗ್ಡೆ: 1983-1988 (ಮೂರು ಬಾರಿ)

►ಎಸ್.ಆರ್. ಬೊಮ್ಮಾಯಿ: ಆಗಸ್ಟ್ 1988 - ಎಪ್ರಿಲ್ 1989

►ವೀರೇಂದ್ರ ಪಾಟೀಲ್: ನವೆಂಬರ್ 1989 - ಅಕ್ಟೋಬರ್ 1990

►ಎಸ್. ಬಂಗಾರಪ್ಪ: ಅಕ್ಟೋಬರ್ 1990 - ನವೆಂಬರ್ 1992

►ವೀರಪ್ಪ ಮೊಯ್ಲಿ: ನವೆಂಬರ್ 1992 - ಡಿಸೆಂಬರ್ 1994

►ಎಚ್.ಡಿ. ದೇವೆಗೌಡ: ಡಿಸೆಂಬರ್ 1994 - ಮೇ 1996

►ಜೆ.ಎಚ್. ಪಟೇಲ್: ಮೇ 1996 - ಅಕ್ಟೋಬರ್ 1999

►ಎಸ್.ಎಂ. ಕೃಷ್ಣ: 1999 - 2004

►ಧರಂ ಸಿಂಗ್: ಮೇ 2004 - ಜನವರಿ 2006

►ಎಚ್.ಡಿ. ಕುಮಾರಸ್ವಾಮಿ: ಪೆಬ್ರವರಿ 2006-ಅಕ್ಟೋಬರ್ 2007

►ರಾಷ್ಟ್ರಪತಿ ಆಳ್ವಿಕೆ: ನವೆಂಬರ್ 2007 - ಮೇ 2008