ರೋಹ್ಟಕ್: ಇಬ್ಬರು ಸಾದ್ವಿಗಳ ಮೇಲೆ ಅತ್ಯಾಚಾರ ನಡೆಸಿದ ಪ್ರಕರಣದಲ್ಲಿ ದೋಷಿಯಾಗಿರುವ ಡೇರಾ ಸಚ್ಚಾ ಸೌಧದ ಮುಖ್ಯಸ್ಥ ಗುರ್ಮಿತ್ ಸಿಂಗ್ ಎರಡೂ ಪ್ರಕರಣಗಳಲ್ಲಿ ಒಟ್ಟು 20 ವರ್ಷಗಳ ಶಿಕ್ಷೆಯನ್ನು ಸಿಬಿಐ ವಿಶೇಷ ನ್ಯಾಯಾಲಯ ಪ್ರಕಟಿಸಿದೆ.

ಸಿಬಿಐ ವಿಶೇಷ ನ್ಯಾಯಾದೀಶ ನ್ಯಾ.ಜಗದೀಪ್ ಸಿಂಗ್ ಎರಡು ಪ್ರಕರಣಗಳಲ್ಲಿ ಗುರ್ಮಿತ್ ಗೆ  ತಲಾ 10 ವರ್ಷಗಳಂತೆ ಒಟ್ಟು 20 ವರ್ಷ ಜೈಲು ಸಜೆ ಮತ್ತು 30 ಲಕ್ಷ ರೂ. ದಂಡ ವಿಧಿಸಿ ತೀರ್ಪು ನೀಡಿದ್ದಾರೆ.

ಗುರ್ಮಿತ್ ನಿಂದ ವಸೂಲಿ ಮಾಡಲಾಗುವ 30 ಲಕ್ಷ ರೂ. ದಂಡದಲ್ಲಿ  ಎರಡು ಪ್ರಕರಣಗಳಲ್ಲಿ ಸಂತ್ರಸ್ತೆಯರಿಗೆ ತಲಾ 14 ಲಕ್ಷ ರೂ.ಗಳಂತೆ ಒಟ್ಟು 28  ಲಕ್ಷ ರೂ. ಪರಿಹಾರ  ಒದಗಿಸುವಂತೆ ನ್ಯಾಯಾಧೀಶರು ಆದೇಶ ನೀಡಿದ್ದಾರೆ. ನ್ಯಾಯಾಲಯದ ತೀರ್ಪಿನಂತೆ ಗುರ್ಮಿತ್  2037 ವರ್ಷದ ತನಕ ಜೈಲಿನಲ್ಲಿರಬೇಕಾಗಿದೆ. ಐಪಿಸಿ ಸೆಕ್ಷನ್  376, 511ರ ಅಡಿ ಶಿಕ್ಷೆ ವಿಧಿಸಲಾಗಿದೆ.

ಗುರ್ಮಿತ್ ಸಿಂಗ್ ಒಂದು ಪ್ರಕರಣದಲ್ಲಿ 10  ವರ್ಷ ಸಜೆ ಅನುಭವಿಸಿದ ಬಳಿಕ ಮತ್ತೆ ಇನ್ನೊಂದು ಪ್ರಕರಣದಲ್ಲಿ ಕಠಿಣ ಜೈಲುವಾಸ ಅನುಭವಿಸಬೇಕಾಗಿದೆ