ಭಟ್ಕಳ: ರಸ್ತೆ ಬದಿ ಓಡುಡಾವು ಸುಂದರ ಹೆಣ್ಣುಗಳನ್ನು ತನ್ನ ಮೊಬೈಲ್ ಕ್ಯಾಮರಾದಲ್ಲಿ ಸೆರೆ ಹಿಡಿದು ಅದರಿಂದ ವಿಕೃತ ಸಂತಸಪಡುತ್ತಿದ್ದ ಆಯುಷ್ ವೈದ್ಯನನ್ನು ನಡುರಸ್ತೆಯಲ್ಲಿ ತಡೆದ ಸಾರ್ವಜನಿಕರು ಚನ್ನಾಗಿ ಧರ್ಮದೇಟು ನೀಡಿದ ಘಟನೆ ಸೋಮವಾರ ಮೂಡಭಟ್ಕಳದಲ್ಲಿ ಜರಗಿದೆ. 

ಉಡುಪಿ ಜಿಲ್ಲೆಯ ಆಯುಷ್ ವೈದ್ಯನೊಬ್ಬ ನಿತ್ಯವೋ ಭಟ್ಕಳದ ಕಡೆಗೆ ಓಡಾಡ ಮಾಡಿಕೊಂಡಿದ್ದು ತನ್ನ ವೈದ್ಯ ವೃತ್ತಿಯ ಜತೆಗೆ ಸುಂದರ ಹುಡುಗಿಯರ ಮೈ ಕೈ ಮುಟ್ಟಿ ವಿಕೃತವಾಗಿ ಆನಂದಿಸುತ್ತಿದ್ದ ಎಂದು ಹೇಳಲಾಗುತ್ತಿದ್ದು, ಸಾರ್ವಜನಿಕರು ಹಲವು ದಿನಗಳಿಂದ ವೈದ್ಯನ ವಿಕೃತ ಮನಸ್ಸಿನ ಮೇಲೆ ಬರೆ ಎಳೆಯಲು ಹೊಂಚುಹಾಕುತ್ತಿದ್ದರು ಎನ್ನಲಾಗಿದೆ. 
ಸೋಮವಾರ ಮೂಢಭಟ್ಕಳ ಬೈಪಾಸ್ ಬಳಿ ಇಂತಹದ್ದೆ ವಿಕೃತ ಕಾರ್ಯದಲ್ಲಿದ್ದ ವೈದ್ಯನಿಗೆ ಸಾರ್ವಜನಿಕರು ಹಿಡಿದು ಗೂಸಾ ನೀಡಿ ಪೊಲೀಸರಿಗೆ ಒಪ್ಪಿಸಿದ್ದಾಗಿ ತಿಳಿದುಬಂದಿದೆ. ಸಾರ್ವಜನಿಕರು ವೈದ್ಯನ ಮೊಬೈಲ್‌ನ್ನು ಕಸಿದು ಅದರಲ್ಲಿದ್ದ ಮೆಮೊರಿ ಚಿಪ್ ನ್ನು ತೆಗೆದುಕೊಂಡಿದ್ದು ವೈದ್ಯನ ಯಾವ್ಯಾವ ಕರ್ಮಕಾಂಡ ಅದರಲ್ಲಿ ಅಡಗಿದೆಯೋ ಎಂಬುದು ಸಾರ್ವಜನಿಕರಲ್ಲಿ ಕೂತುಹಲ ಮೂಡಿಸುವಂತಾಗಿದೆ.