ಕಾರವಾರ: ಕುಂದಾಪುರ ಗಡಿಯಿಂದ ಮಾಜಾಳಿ ಗಡಿಯವರೆಗಿನ ಚತುಷ್ಫತ ಹೆದ್ದಾರಿ ಕಾಮಗಾರಿಗಾಗಿ ರಾಷ್ಟ್ರಿಯ ಹೆದ್ದಾರಿ 66 ರ ರಸ್ತೆಯಂಚಿನಲ್ಲಿ ಒಟ್ಟೊ 19696 ಮರಗಳನ್ನು ಇದುವರೆಗೊ ಕಡಿಯಲಾಗಿದ್ದು ಇದರ ಮೌಲ್ಯ ರೂ. 10.58 ಕೋಟಿ ಎಂದು ಅಂದಾಜಿಸಲಾಗಿದೆ.
ಕಾರಾವರ, ಹೊನ್ನಾವರ, ಕುಂದಾಪುರ ಅರಣ್ಯ ವಿಭಾಗದ ವ್ಯಾಪ್ತಿಗೆ ಸೇರಿದಂತೆ ಬೆಲೆಬಾಳುವ ಮರಗಳನ್ನು ಕಡಿಯಲಾಗಿದ್ದು, ಒಟ್ಟು ರೂ. 10,58,3886 ಮೌಲ್ಯವೆಂದು ಲೆಕ್ಕಹಾಕಲಾಗಿದೆ. ಕಾರವಾರ ಅರಣ್ಯ ವಿಭಾಗದಿಂದ 3032, ಹೊನ್ನಾವರ ಅರಣ್ಯ ವಿಭಾಗದಿಂದ 7433, ಕುಂದಾಪುರ ವಿಭಾಗದಿಂದ 9231 ಮರಗಳನ್ನು ಕಡಿಯಲಾಗಿದೆ.
ಚತುಷ್ಫತ ಹೆದ್ದಾರಿಯಿಂದಾಗಿ ಒಟ್ಟು 19 ಸಾವಿರಷ್ಟು ಮರಗಳು ನಾಶವಾಗಿದ್ದು, ಇದರ ಮೌಲ್ಯದ ಬಗ್ಗೆ ದೃಢೀಕರಣ ಮಾಡಲು ಸ್ವತಂತ್ರ ಅಭಿಯಂತರರ ನೇಮಿಸಿ ಅವರಿಂದ ಪರಿಶೀಲನೆ ನಡೆಸಲು ಸಹ ತಿಳಿಸಲಾಗಿತ್ತು.  ಸ್ವತಂತ್ರ ಇಂಜಿನೀಯರ್ ಸಹ ಈ ಬಗ್ಗೆ ವರದಿ ನೀಡಿದ್ದರು.